İzlənir  

Ünlü quşlardan biri olduğundan

Qorunur bir çox quş, qartal izlənir.

Ovçunun gözündən yayınanadək,

Ceyranla yanaşı maral izlənir.

Olan olub zülmə bizim tərəfdən,

Güc-qüvvə sarıdan, dözüm tərəfdən.

Xırdalığım olan özüm tərəfdən,

Dəvə boyda olan məlal izlənir.

Od içində alışanı, yananın,

Olmur heç də yıxılanın amanı.

Yersiz sorğu-sual edir insanı,

Bilmir cavabla bir sual izlənir.

Yeri öyrənilir zülmün, nəvanın,

Sınıq olub-olmaması aynanın.

Ritminə uyğun olaraq dünyanın,

Hala göz qoyulur, əhval izlənir.

Salmaq olmur yadı, yamanı başa,

Ki, səbəb olmasın nisgilə, yaşa.

Etibar olunur dosta, sirdaşa,

Düşməndən el-oba, mahal izlənir.

Tamam Nur Tağlabiyanlı