Bizim Qələbəmizin rəmzi olan Dəmir yumruq təkcə güc rəmzi deyil, bu, birlik rəmzidir

Prezident, Ali Baş Komandan İlham Əliyevin hər zaman söylədiyi kimi, müzəffər Azərbaycan xalqı, qalib Milli Ordumuz düşmənə heç vaxt unutmayacağı bir zərbə vurdu. Bütün dünyaya bildirdi ki, Qarabağ bizimdir, Vətəni uğrunda döyüşən, şəhidlik zirvəsinə ucalan hər bir azərbaycanlınındır.

Ölkə başçısı İlham Əliyevin Cəbrayıl ictimaiyyətinin nümayəndələri ilə 2021-ci il 4 oktyabr tarixində keçirdiyi görüşdəki çıxışı zamanı “Böyük Qayıdış” Cəbrayıldan başladığını bildirib. Ölkə başçısı vurğulayıb ki, Cəbrayılın azad olunması beş il bundan əvvəl başlamışdı. Aprel döyüşləri nəticəsində Cocuq Mərcanlı kəndinə insanları qaytarmaq üçün imkanlar əldə edildi. Strateji yüksəkliklər işğalçılardan azad olunandan sonra Cocuq Mərcanlıya həyatın qayıtması artıq mümkün olmuşdur. Cocuq Mərcanlıya qayıdış Böyük Qayıdışın başlanğıcı idi.

Bu gün böyük qürur hissi keçiririk ki, dövlət başçısı İlham Əliyevin qətiyyəti sayəsində Azərbaycan Ordusu torpaqlarımızın işğal deyil, işğaldan azad edildikdəri tarixi qeyd etməyin sevincini bizlərə yaşatdı.

«Oktyabrın 4-ü bizim tariximizdə əbədi qalacaq. Çünki oktyabrın 4-də Cəbrayıl şəhəri işğalçılardan azad edildi və bu Qələbənin çox böyük mənası var idi» söyləyən cənab İlham Əliyev bildirib ki, ilk dəfə olaraq müharibənin birinci həftəsində şəhər, rayon mərkəzi azad edilmişdi. Bu, ordumuza əlavə güc verdi, əminlik yaratdı. Bu Qələbədən sonra şanlı ordumuz öz tarixi missiyasını digər yerlərdə də icra etdilər.

Ali Baş Komandan söyləyib ki, Cəbrayıl ərazisində bir neçə xətdən ibarət istehkamlar qurulmuşdu və bu istehkamları yarmaq çox böyük qəhrəmanlıq və fədakarlıq tələb edirdi. Bizim əsgər və zabitlərimiz, sözün əsl mənasında, ölümə gedirdilər. Biz şəhidlərimizin canı-qanı bahasına öz doğma torpaqlarımıza qayıtmışıq. Cəbrayıl əməliyyatının əhəmiyyəti, eyni zamanda, ondan ibarət idi ki, Cəbrayıl azad olunandan sonra o vaxt işğal altında olan bizim digər rayonlara uğurlu addımlarımız mümkün olmuşdur. Cəbrayıldan sonra Zəngilan, ondan sonra Qubadlı və Laçın rayonunun cənub hissəsi işğalçılardan azad edildi və Laçın dəhlizi Azərbaycanın nəzarətinə götürüldü.

Görüş zamanı ölkə rəhbəri xüsusi qeyd edib ki, bizim Qələbəmizin rəmzi olan yumruq təkcə güc rəmzi deyil, bu, birlik rəmzidir. Biz hərbçilərimizlə haqlı olaraq fəxr edirik və fəxr edəcəyik. Onlar əsl qəhrəmandırlar. 44 gün ərzində göstərilən həmrəylik, göstərilən birlik bütün dünyaya Azərbaycan xalqının çox ləyaqətli və böyük xalq olduğunu bir daha sübut etdi. Biz birləşdik və istədiyimizə nail olduq, tarixi ədaləti bərpa etdik.

Dəmir yumruğun zərbindən Qarabağ müharibəsinin “erməni qəhrəman”larının aldıqları torpaqlar da geri qaytarıldı, orduları isə fərarilər və qorxaqlar yığnağına çevrildi! Bu yumruğun qorxusundan Paşinyan özünün yeddi şərtini unudaraq Azərbaycanın bir şərtinə – rədd olub getmə şərtinə yalvara-yalvara razı oldu! Çünki bilirdi ki, hərbi əməliyyatlar dayanmasa, dəmir yumruğun sahibi onu ordusuz və Xankəndisiz qoyacaq!

Prezident, Ali Baş Komandan İlham Əliyevin hər zaman söylədiyi kimi, müzəffər Azərbaycan xalqı, qalib Milli Ordumuz düşmənəaxt unutmayacağı bir zərbə vurdu. Dəmir yumruğun zərbindən Qarabağ müharibəsinin “erməni qəhrəman”larının aldıqları torpaqlar da geri qaytarıldı, orduları isə fərarilər və qorxaqlar yığnağına çevrildi. Bu yumruğun zərbindən Ermənistan iqtisadiyyatı elə günə düşüb ki, çətin bir daha özünə gələ.

Məlumdur ki, Ermənistanla Azərbaycan arasındakı ədavət əbədi olmamalıdır. Regionda yeni dövr başlayır. Bu dövrü müsbət istiqamətə yönləndirmək lazımdır. Azərbaycanla Ermənistan arasında sərhədlərin delimitasiyası, sülh müqaviləsi, bir-birinin ərazi bütövlüyünün tanınması istiqamətində, ondan sonra iqtisadi əlaqələrin bərpası, nəqliyyat kommunikasiyalarının açılması, bütün bunlar gündəlikdə olan məsələlərdir. Azərbaycan tərəfində siyasi iradə var. Ermənistan tərəfində də olarsa, iki ölkə özləri heç bir vasitəçisiz bu məsələləri həll edə bilər və bölgədə uzunmüddətli sülh ola bilər

Rövşən Əliyev

İsmayıllı Rayon Təhsil Şöbəsinin müdiri