Finala 3 vəsiqə

Oğuz rayonunda “Təhsil” Respublika İdman Mərkəzinin şahmat üzrə respublika birinciliyinin zona yarışı keçirilib.

Gərgin keçən mübarizə nəticəsində məktəbimizin şagirdi Ömər Manaflı (şəhər 1 nömrəli tam orta məktəb) 8 yaşadək oğlanlar arasında birinci yerə, Gülşən Allahverdiyeva (şəhər 5 nömrəli tam orta məktəb) 12 yaşadək qızlar arasında ikinci yerə çıxaraq respublikanın final yarışına vəsiqə qazanıblar.

Mehri Yəhyayeva (şəhər 2 nömrəli tam orta məktəb) 10 yaşlı qızlar arasında üçüncü yerlə kifayətlənməli olub. Qalib idmançılarımız “Təhsil” Respublika İdman Mərkəzinin diplomları ilə təltif olunublar.

İdmançılarımıza final yarışında uğurlar arzulayırıq.

Tural Haşımov