Maarifləndirilmə seminarı keçirilib

24 avqust 2016-cı il tarixdə Heydər Əliyev Mərkəzində Göycay Gegional Ədliyyə Şöbəsi tərəfindən İsmayıllı və Şamaxı rayonları üzrə bələdiyyələrin maarifləndirilməsi seminarı keçirilib.
Seminarda İsmayıllı Rayon İcra Hakimiyyətinin məsul işçiləri, Göycay Regional Ədliyyə Şöbəsinin əməkdaşları, İsmayıllı və Şamaxı rayonlarından bələdiyyə sədrləri iştirak edib.

Seminarın məqsədi şəffaflığın artırılması və korrupsiya, hüquqpozmaların qarşısının alınması, bələdiyyə torpalarının idarə olunmasında qanunvericilik, bələdiyyə qulluqçularının etik davranış qaydaları, yerli vergi və ödənişlərin yığılmasında bələdiyyələrin hüququ, vətəndaş müraciətlərinə baxılması qaydaları və sair mövzularda məlumat və tövsiyələr verilib.
“İsmayıllı xəbərləri”