Səmimi qəbula görə təşəkkür

İsmayıllı rayon İcra Hakimiyyətinin başçısı Mirdaməd Sadıqov Avstriya Qızıl Xaç Cəmiyyətinin prezidenti cənab Cerald Şopferin rəhbərlik etdiyi nümayəndə heyətini rayon İcra Hakimiyyətində qəbul edib.RİH başçısı M.Sadıqov qonaqları salamlayaraq İsmayıllı rayonu haqqında onlara geniş məlumat verib. Başçı Avstriya Qızıl Xaç Cəmiyyətinin prezidenti cənab Cerald Şopferə rayonumuzun Kürdmaşı, Təzəkənd, Tircan və Diyallı kəndlərində Cəmiyyətin maliyyə dəstəyi ilə müvafiq sosialyönümlü layihələri həyata keçirdiklərinə görə minətdarlığını bildirib və qonaqlara xatirə hədiyələri təqdim edib.
Avstriya Qızıl Xaç Cəmiyyətinin prezidenti cənab Cerald Şopfer rəhbərlik etdiyi nümayəndə heyəti adından səmimi qəbula görə M.Sadıqova təşəkürünü bildirib.
Daha sonra qonaqlar Diyallı kəndində İcma üzvləri ilə görüşüb və kənddə Avrasiya Qızıl Xaç Cəmiyyəti tərəfindən inşa edilən körpüyə baxış keçiriblər. Qonaqlar rayonumuzun qədim yaşayış məskəni olan Lahıc qəsəbəsi ilə də tanış olublar.
Şövqi Əhmədov