Bulud    

Əli pəncərənin qarşısında durub ətrafı seyr edirdi. O, göy üzündə karvan kimi düzülmüş qara buludları görüb dedi:

-Anacan, buludlara bax. Onlar nədən bu qədər qaşqabaqlıdırlar?

Ana cavabında deyir:

-Səhər yağış yağacaq, ona görə.

Əli gileyləndi:

-Biz sabah futbol oynayacaqdıq. Bu yağış hardan çıxdı? Kaş yağmayaydı…

Anası Əliyə:

-Oğul, elə demə. Əgər yağış yağmasa, sənin çox sevdiyin, meyvələr, tərəvəzlər, yeməklər də olmaz və təbiətdəki bütün canlılar məhv olar.

Ana belə dedikdən sonra Əli üzrxahlıq etdi:

-Ana, məni bağışla. Mən yağışın təbiətdə bu qədər böyük rol oynadığını düşünməmişdim. Bir də elə deməyəcəyəm.

Ləman Məmmədli,

Diyallı kəndi