Qurtuluş günü İsmayıllı Bilik evinində qeyd olunub
13 iyun 2018-ci ildə İsmayıllı Bilik Evində “Milli Qurtuluş Günü”nə həsr olunmuş mühazirə keçirilib.
Tədbiri İsmayıllı Bilik Evinin müdiri Sevinc Novruzova açaraq iştirakçıları salamlayıb. S.Novruzova 1993-cü il iyunun 15-də Heydər Əliyev Azərbaycan Respublikası Ali Sovetinin sədri seçildikdən sonra 15 iyunun Azərbaycanın tarixinə Milli Qurtuluş Günü kimi daxil olduğunu qeyd edib. 
Daha sonra çıxış edən gənc yazar, Azərbaycan Jurnalistlər Birliyinin üzvü, Elnarə Qasımova öz növbəsində bu tarixin xalqını hər zaman düşünən, ona daim güvənən, millətinin adını, bayrağını həmişə ucaldan, zirvələrə qaldıran Ulu öndər Heydər Əliyevin adı ilə bağlı olduğunu bildirib. 
İsmayıllı Bilik Evində təşkil edilmiş kompyuter operatoru üzrə təlim kursunun moderatoru Baxışlı Nərmin bütün mənalı həyatını öz xalqına bəxş etmiş Heydər Əliyevin siyasi və dövlət xadimi kimi zəngin fəaliyyətinin Azərbaycan xalqının tarixində dərin iz buraxaraq əsl dövlət idarəçiliyi məktəbinə çevrildiyini söyləyib. Tədbir iştirakçıların çıxışları əsasında davam etdirilib.
Rusan Qasımov
