Şad xəbər coşqu ilə qarşılandı

Aprel ayının 11-də Perezident seçkilərinə səsvermə vaxtı başa çatdıqdan az sonra bir sıra kütləvi informasiya vasitələrinin yaydığı məlumata görə ölkə Prezidenti İlham Əliyevin yüksək səs çoxluğu ilə yenidən Azərbaycan Respublikasının Prezidenti seçilməsi bəlli oldu.Bu xəbərdən sevinən İsmayıllı gəncləri və idmançıları Azərbaycanın Dövlət bayrağı və YAP-ın bayraqları ilə bəzədilmiş maşınlarla şəhərin baş küçələrindən keçərək Mərkəzi meydanda bu qələbənin sevincini bölüşən izdihama qatılıblar.
Xüsusi coşqu ilə keçən tədbirdə “Niyal” xalq çalğı alətləri ansamblı üzvlərinin ifa etdiklərivətənpərvərlik ruhlu mahnılar meydana toplaşanlara əsil bayram ovqatı yaşadıb.
“İsmayıllı xəbərləri”