Beynəlxalq Müəllimlər Günü yüksək səviyyədə qeyd edilib

İsmayıllı müəllimləri öz peşə bayramlarına 22 “Ən yaxşı məktəb” və 26 “Ən yaxşı müəllim” müsabiqəsinin qalibləri ilə gəliblər. Təhsil İşçiləri Azad Həmkarlar İttifaqı (ATİAHİ) Rayon Komitəsi ilə Rayon Təhsil Şöbəsinin Beynəlxalq Müəllimlər Gününə həsr etdikləri tədbir Heydər Əliyev parkındakı “Gülüstan” şadlıq sarayında keçirilib.
Beynəlxalq Müəllimlər Günü yüksək səviyyədə qeyd edilib
Beynəlxalq Müəllimlər Günü yüksək səviyyədə qeyd edilib
Beynəlxalq Müəllimlər Günü yüksək səviyyədə qeyd edilib
Bayram məkanına gələnləri ilk olaraq ümummilli lider Heydər Əliyevin müəllim haqqında dediyi hikmətli və qiymətli sözlər qarşılayıb.
Aparıcı Famil Əhmədzadə məclisi açaraq ötən tədris ilində rayon təhsil sistemində qazanılan nailiyyətlərdən, uğurlardan ətraflı danışıb. Qeyd edib ki, ilk dəfə bu il 700 bal toplayan bir məzunumuz olub. 600-dən yuxarı bal toplayan tam orta məktəb məzunlarımızın sayı 28-ə çatıb. Müxtəlif nominasiyalar üzrə qalib şagirdlərin və müəllimlərin sayı əhəmiyyətli dərəcədə artıb. Biz bu və digər çoxsaylı nailiyyətlərlə bayrama gəlmişik.
Rayon İcra Hakimiyyəti başçısının birinci müavini Rövşən Ağayev rayon İcra Hakimiyyətinin başçısı Mirdaməd Sadıqovun və bütün rayon ictimaiyyəti adından bayram iştirakçılarını təbrik edib. Dövlət təhsil siyasətinin rayonda uğurla həyata keçirilməsinin yüksək nəticələrindən danışıb.
Sonra rayon İcra Hakimiyyəti başçısının müavini Sevil Əhmədova, Təhsil Nazirliyinin Regional Maliyyə və Hesablaşma Mərkəzinin direktoru Elxan Cavadov, Rayon Təhsil Şöbəsinin müdiri, Əməkdar müəllim Rasim Orucov, dövlət qulluğu və təhsil veteranı Valeh Salehov, Təhsil İşçiləri Azad Həmkarlar İttifaqı İsmayıllı Rayon Komitəsinin sədri Hafiz Kərimov, rayon Gənclər və İdman İdarəsinin rəisi Taleh Salehov və başqaları çıxış ediblər. Müxtəlif müsabiqə və layihə qaliblərinə, şagirdləri bilik və idman yarışlarında, inşa və rəsm müsabiqələrində, fənn olimpiyadalarında qaliblər sırasına çıxan müəllimlərə Fəxri fərmanlar, hədiyyələr və sertifikatlar təqdim edilib.
65 yaşı tamam olan bir qrup müəllim bayram tədbirində iştirak edib. Onlar RİH-nin, RTŞ-nin və ATİAHİ rayon komitəsinin qiymətli hədiyyələri ilə şərəfli istirahətə yola salınıblar.
Rayon Mədəniyyət mərkəzinin “Niyal” xalq çalğı alətləri ansambılı Beynəlxalq Müəllimlər Gününə əsil mənada musiqi bəzəyi verib.
Müəllimlər dövlətimizə minnətdar olaraq fərəh və sevinclə dolu bir bayram təntənəsi yaşayıblar.
“İsmayıllı xəbərləri”

Şərh Yaz