Kulturalizm Yay Məktəbinin iştirakçıları Lahıcda olub

İsmayıllı turizm məkanı kimi gündən-günə şöhrətlənməkdədir. Qədim tarixə, zəngin mədəniyyətə malik bu diyar hər gün yüzlərlə qonağa sahibdir.
Azərbaycanda səfərdə olan Beşinci Beynəlxalq Kulturalizm Yay Məktəbinin iştirakçıları İsmayıllı rayonunun Lahıc qəsəbəsində olublar.
Dünyanın 26 ölkəsindən olan tələbə gəncləri Lahıc bələdiyyəsinin sədri Rövşən Əliyev qarşılayıb. Onun sözlərinə görə, V Beynəlxalq Kulturalizm Yay Məktəbinin iştirakçıları Lahıc qəsəbəsinin tarixi yerləri ilə tanış olublar. Onlara Lahıcın sənətkarlıq mərkəzi kimi məşhur olması barədə ətraflı məlumat verilib. Qonaqlar sənətkarlıq emalatxanaları, eləcə də Lahıc Tarix-Diyarşünaslıq Muzeyində olublar.
Lahıc qəsəbəsinin keçmişi və bugünü ilə yaxından tanış olan tələbə gənclər gəzintidən razı qaldıqlarını bildiriblər.
“İsmayıllı xəbərləri”