Ağırdır qardaş itkisi…                             

Redaksiyamız şəhid ailələrindən, onların yaxınları, dostları və əzizlərindən tez-tez məktublar alır. Məktubların bəzisində ürək sözlərini şeir şəklində ifadə etməyə çalışanlar da olur.

Belə məktublardan biri şəhid Ülvi Müseyibovun qardaşı Səxavətdən gəlib. Əlbəttə, Səxavət şair deyil, amma onun ürək çırpıntıları olan yazılarından bir neçəsini nizama salıb oxuculara çatdırmağı bir qələm sahibi kimi özümə borc bildim.

Şəhidləri sevmək, unutmamaq, ruhlarını şad etmək hər birimizin borcudur.

Şahməmməd Dağlaroğlu

 

Qardaşım öndə getdi

 

Axdı gözümün yaşı,

Göz yaşım dəldi daşı.

Başladı haqq savaşı,

Qardaşım öndə getdi,

Torpağı xilas etdi.

 

Almaq üçün qana qan,

Vətən istədi qurban.

Erməni deyil insan

Qardaşım öndə getdi,

Bayrağı xilas etdi.

 

Qanın töküb torpağa,

Can verdi Qarabağa.

Cənnət adlı bir bağa

Qardaşım öndə getdi,

Növrağı xilas etdi.

 

Unudulan deyilsən

 

Gəlib qəbrinin üstə,

Bir dəstə gül-çiçəklə,

Səni təbik edirəm

Qardaş, qırıq ürəklə.

 

Qəbrin üstə gələnin

Üzü ağ, sayı çoxdur.

Sənin bu təmtəraqdan

Heyif, xəbərin yoxdur.

 

Mənim cənnət qoxulu,

Qardaşım, rahat uyu.

Ən uca, məğrur boydu

Vətəndə şəhid boyu.

 

Unudulan deyilsən

Heç zaman, bircə gün də.

Borcluyuq, baş əyirik,

Qardaş, sənin önündə!

 

Adın dillərdə əzbər,

Bu ada can qurbandı.

Sənə oğlumsan deyən

Vətən – Azərbaycandır!

 

Məktub

 

Şəhid Ülvi Müseyibovun adından

 

Ata, başını dik tut,

Ana, ağlama daha.

Bacım, kədəri unut,

Dua elə Allaha.

 

Qardaş, öyün mənimlə,

De ki: O qəhrəmandır!

Ağlamaqla ruhumu

İncitməyin, amandır!

 

Cənnətdir olduğum yer

Göylərin son qatıdır.

Buradakı atmosfer

Ölməzlik həyatıdır.

 

Saxlamayın mənə yas,

Ölməmişəm, canlıyam.

Yağıdan aldım qisaq,

Belə dəliqanlıyam.

 

Məktubu yazdım axşam,

Salam, Ülvidir adım.

Əgər bir də doğulsam,

Yenə şəhid olardım!

Səxavət Müseyibov