İsmayıllıda turizm inkişafdadır

İsmayıllı Regional Mədəniyyət və Turizm İdarəsində “Turizm işçiləri günü” peşə bayramı qeyd olunub.
İştirakçılar əvvəlcə ümummilli lider Heydər Əliyevin abidəsi önünə tər gül dəstələri qoyublar. Rayon Mədəniyyət Mərkəzində davam edən tədbirdə İsmayıllı Regional Mədəniyyət və Turizm İdarəsinin rəisi Elnur Hüseynov tədbiri açaraq bölgədə turizm sahəsində aparalan işlərdən danışıb.
Sonra rayon İcra Hakimiyyəti başçısının müavini, İctimai-siyasi və humanitar məsələlər şöbəsinin müdiri Sevil Əhmədova çıxış edib, turizm işçilərinə bayram təbriki ünvanlayıb, Azərbaycan Respublikasının Prezidenti İlham Əliyevin avqust 2016-cı il tarixdə İsmayıllıya səfəri zamanı turizmin inkişafı ilə əlaqədar qarşıya qoyduğu vəzifələrdən danışıb.
Tədbir “Niyal” xalq çalğı alətləri ansambılının bayram konserti ilə davam edib.
G.Mirzəliyeva
Foto: Elçin Məlikovundur