İsmayıllı Dövlət Humanitar və Texnologiya Kollecində “Doğru Yol” Milli-Mənəvi Dəyərlərin Təbliği ictimai birliyi regionlarda milli-mənəvi dəyərlərin qorunması yönümündə maarifləndirici tədbirlərin təşkili” layihəsi çərçivəsində tədbir keçirilib. “Regionlarda milli-mənəvi dəyərlərin qorunması” yönümündə maarifləndirici tədbirdə kollecin bir qrup müəllim və tələbə heyəti iştirak edib.
Tədbiri giriş sözü ilə açan “Doğru Yol” Milli-Mənəvi Dəyərlərin Təbliği ictimai birliyinin sədr müavini Kərim Boyaqçızadə layihənin keçirilməsində əsas məqsədin milli-mənəvi dəyərlərin önəmindən və qorunmasından söz açıb.
Kollecin müəllimi Elmir Ağayev milli-mənəvi dəyərlərlə bağlı çıxışı zamanı həmin sahə üzrə tələbələrə ətraflı məlumat verib. Daha sonra kollecin tarix müəllimi Mövlud Ağayev çıxış edərək milli-mənəvi dəyərlərin qorunub saxlanmasının vacibliyi haqqında danışıb.
Sonda “Doğru Yol” Milli-Mənəvi Dəyərlərin Təbliği ictimai birliyinin maliyyə dəstəyi ilə çəkilən “Bizim dəyərlər” adlı sosial məzmunlu videoçarx təqdim olunub.