Abbaszadə Əliyulla İzhab oğlu 2023-cü il iyul ayının 30-da NPC Bodibilding Federasiyasının təşkilatçılığı və maliyyə dəstəyi ilə İspaniyanın Benidorm şəhərində keçirilən dünya əhəmiyyətli, genişmiqyaslı “Big Man Weekend” bodibildinq yarışmasında 90 kiloqramdan aşağı kateqoriyada birinci yeri tutaraq Qızıl medalın mükafatçısı olub.
Həmyerlimiz olan Ə.Abbaszadə bu yarışdan 6 həftə sonra adı çəkilən federasiyanın təşkil etdiyi İspaniyanın Alikante şəhərində həmin kateqoriyada Avropa çempionatında 4-cü yerin medalçısı olub. Xatırladaq ki, Əliyulla müxtəlif illərdə bu idman növü üzrə Azərbaycanın mütləq çempionu, yəni çempionlar çempionu, Bodrumda keçirilmiş Dünya Qrand Prisinin 4-cü yerin medalçısı, Azərbaycan yığma komandasından yeganə iştirakçı olaraq Sibirin Krasnoyarsk şəhərində keçirilən nüfüzlü “Siberian Power Show” yarışmasının 2-ci yerin gümüş medalının qalibi, İspaniyada keçirilən genismiqyaslı Dünya çempionatının iki top onluğunun birinci onluğunda 8-ci yerin sahibi və ən nəhayətdə, İspaniyanın Santa Susanna şəhərində keçirilən dünya əhəmiyyətli, Arnold Şvartsneqerin sponsorluq etdiyi “Arnold Classic Bodybuilding Compitition” yarışının 95 kiloqram çəki dərəcəsində 1- ci yerin – Qızıl medalın sahibi olub. İdmanın bu növü üzrə Azərbaycana dünya nüfüzlü yarışdan ilk qızıl medalı məhz Əliyulla Abbaszadə gətirib.
Rasim Rəhimov