Mirzağa Əzimov adına Təzəkənd kənd tam orta məktəbində məktəbin məzunu, İkinci Qarabağ müharibəsi döyüşçüsü, şəhid Cahan Məmmədzadənin xatirəsinə həsr olunmuş “Cəsur gizir ” kitabının təqdimat mərasimi keçirilib.Tədbirdə İsmayıllı Rayon İcra Hakimiyyətinin məsul şəxsləri, YAP İsmayıllı rayon təşkilatının, eləcə də idarə, müəssisə rəhbərləri, şəhid ailələri, Vətən müharibəsi iştirakçıları və rayon ictimaiyyətinin nümayəndələri iştirak ediblər.
Tədbir Azərbaycan Respublikasının Dövlət himninin səsləndirilməsi ilə başlayıb. Şəhidlərin xatirəsi bir dəqiqəlik sükutla yad edilib.
Məktəb şagirdlərin ifasında iştirakçılara kitaba daxil olan şeirlər, xatirələr, “Şəhidlər ölməz” və “Azərbaycan əsgəri” adlı ədəbi-bədii kompozisiyalar təqdim olunub. Şəhidlərin heç zaman unudulmayacağı çıxışların məğzini təşkil edib.
Şəhidin ailəsi tərəfindən tədbir iştirakçısı olan hər şəhid ailəsinə kitabın bir nüsxəsi bağışlanılıb.
Azərbaycan Yazıçılar Birliyi və Azərbaycan Jurnalistlər Birliyinin üzvü Adgözəl Vəlbinəlinin müəllifliyi ilə çap olunmuş bu kitabda əzizlərinin, yaxınları və dostlarının xatirələri, müxtəlif tarixləridə çəkilmiş fotoşəkillər, vətənpərvərlik ruhunda yazılmış şeirlər cəmlənib.
Şəhidin ailə üzvləri kitabın ərsəyə gəlməsində zəhməti olanlara, tədbirin təşkilatçılarına, təqdimatı keçirən məktəb kollektivinə və ümumilikdə tədbirdə iştirak edənlərə dərin təşəkkürlərini bildiriblər.
Əfqan Səlimov