İsmayıllı Dövlət Humanitar və Texnologiya Kollecinin ekologiya və aqrar ixtisas fakültəsinin Fənn Birləşmə Komissiyasının bir qrup müəllimi və tələbə heyəti 44 günlük Vətən müharibəsinin şəhidlərindən olan, qəhrəmanlığı ilə tarix yazan tarix müəllimi Famil Əhmədzadənin İsmayıllının Şəhidlər xiyabanındakı məzarını ziyarət ediblər. Şəhidin məzarı üzərinə tər güllər düzən ziyarətçilər oradan Famil Əhmədzadənin müəllim işlədiyi İsmayıllı şəhər E.Məmmədov adına 3 nömrəli məktəb-liseydə özünün yaratdığı tarix muzeyinə yollanıblar.
Şəhidi ehtiramla yad edən müəllim və tələbələr ziyarət zamanı F.Əhmədzadənin həyat və fəaliyyəti haqqında məlumatları dinləməklə yanaşı, həm də özü tərəfindən yaradılmış muzeydə İsmayıllı tarixinin müəyyən məqamlarını əks etdiriən eksponatlarla tanış olublar.