11 noyabr 2022-ci il tarixdə İsmayıllı Dövlət Humanitar və Texnologiya Kollecinin bir qrup müəllim və tələbəsi kollecin 2018-ci ildə kompüter şəbəkələri və hesablama texnikasının təmiri və servis xidməti ixtisası üzrə məzunu olmuş, 44 günlük Vətən müharibəsində müqəddəs şəhidlik zirvəsinə ucalan Lətifli Orxan Xancan oğlunun anım günü qeyd olunub. Kədərli olduğu qədər də qürurlu olan bu gündə şəhidin məzarını və ev muzeyini ziyarət olunub. Ziyarətçilər rayonun Diyallı kəndində olublar. Şəhidin valideynləri və yaxınları göstərilən diqqət və ehtirama görə kollecin rəhbərliyinə, eləcə də müəllim və tələbə kollektivinə öz razılıqlarını bildiriblər. Ziyarətçilər ənənənin davam etdiriləcəyini bildiriblər.
Ziyarət torpaqlarımızın bütövlüyü uğrunda canlarını qurban verən bütün şəhidlərimizin ruhuna edilən dualarla yekunlaşıb.