AFFA-nın təşkilatçılığı, UEFA-nın dəstəyi ilə İsmayıllıda 12 yaşadək qızlar arasında “Bahar turniri”nə yekun vurulub.
İsmayıllı Olimpiya-İdman Kompleksində keçirilən yarışda 8 komanda mübarizə aparıb. 6 nömrəli tam orta məktəbinin komandası turnirin qalibi olub.
Topçu kənd tam orta məktəbin komandası 2-ci, 5 nömrəli tam orta məktəbinin komandası 3-cü yeri tutub.
Yarış boyu ən yaxşı oyunçu adını 5 nömrəli tam orta məktəbinin şagirdi Zəhra Hüseynova qazanıb.
Komanda qapıçıları arasında ən yaxşı qapıçı Topçu kənd tam orta məktəbin şagirdi Nuray Vəlizadə hesab olunub.
Yarışın ən məhsuldar oyunçusu adına 6 nömrəli tam orta məktəbinin şagirdi Nigar Əliyeva layiq görülüb.
Nərmin Məmmədli