Ulu öndər Heydər Əliyevin anadan olmasının 100 illiyinə həsr edilmiş “Müəllimlərarası III Zəfər olimpiadası”nda Dağlıq Şirvan Regional Təhsil İdarəsinin tabeliyində fəaliyyət göstərən İsmayıllı Təhsil Sektorunun ümumtəhsil məktəblərində çalışan və adları aşağıda qeyd edilən müəllimlər finalda yüksək nəticələr göstəriblər.
Bu ünlü yarışmada Allahverdiyev Zamin Malik oğlu (İsmayıllı rayon İstusu kənd tam orta məktəbinin direktoru və kimya müəllimi) və Əsədov Zərqəm Nadir oğlu (İsmayıllı şəhər 1 nömrəli tam orta məktəbinin riyaziyyat müəllimi) olimpiadanın birincilərindən olublar.
Muradlı Çingiz Məzahir oğlu (İsmayıllı şəhər 3 nömrəli məktəb-liseyin Azərbaycan dili və ədəbiyyatı müəllimi) ikinci yeri tutub.
Əzimov Sahil Əlsahab oğlu (İsmayıllı rayon Ruşan kənd tam orta məktəbinin tarix müəllimi), Abdulov Rəşadət Məhəmmədyusif oğlu (İsmayıllı şəhər 3 nömrəli məktəb-liseyin tarix müəllimi) və Əhmədova Qənirə Hafiz qızı (İsmayıllı rayon Uştal kənd tam orta məktəbinin riyaziyyat müəllimi) ilk onluqda yer tutmaqla kifayətləniblər.
Qalib müəllimlərə qiymətli hədiyyə və sertifikatlar təqdim edilib. Qazandıqları nailiyyətlər münasibəti ilə müəllimlərimizi təbrik edir, onlara gələcəkdə daha yüksək uğurlar arzulayırıq.
“İsmayıllı xəbərləri”