25 noyabr 2023-cü il tarixdə İsmayıllı Olimpiya-İdman Kompleksində “AFFA U-14 Qızlar Liqası”nın Mərkəz Regionu üzrə III turunun (I dövrə) oyunları keçirilib. Turun oyunlarında 6 komanda iştirak edib.
“İsmayıllı” FK-“Bəhramtəpə” (İmişli) komandaları arasında keçən oyun İsmayıllı futbolçularının 5 cavabsız topu rəqib komandanın qapısından keçirməklə başa çatdırıb. Turun ən böyük hesabı da elə bu olub.
“Aran” FK (Ağcabədi)-“Babadağ” (İsmayıllı) görüşündə də qızlarımız qonaqları məyus edib. Oyun 0:2 hesabı ilə yekunlaşıb.
Günün üçüncü oyunu “Çinar” FK (Göyçay) – “Mil-Muğan” (İmişli) komandaları arasında baş tutub. Bu oyunda göyçaylı qızlar məğlub olublar. Oyun 0:3 hesabı ilə bitib.
Növbəti, IV turun oyunları 02 dekabr 2023-cü il tarixdə saat 12:00-dan İsmayıllı Olimpiya-İdman Kompleksində keçiriləcək.
“İsmayıllı xəbərləri”