Azərbaycan xalqının milli-mənəvi, maddi və mədəni dəyərlərini gənc nəslə daha yaxından tanıtmaq və təbliğ etmək məqsədi ilə İsmayıllı Rayon İcra Hakimiyyəti və İsmayıllı Regional Mədəniyyət İdarəsinin birgə təşkilatçılığı ilə təşkil edilən Novruz bayramı tədbirində rayonun hüquq-mühafizə orqanları, idarə, təşkilat və müəssisə rəhbərləri, respublikanın şəhər və rayonlarından gələn qonaqlar, RİH-nin əməkdaşları, şəhid ailələri, Vətən müharibəsi iştirakçıları, rayon ictimaiyyət nümayəndələri, məktəblilər, eləcə də  İsmayıllının ayrı-ayrı yaşayış məntəqələrindən gələn sakinlər iştirak ediblər.

Mərkəzi meydanda bayram tonqalı qalanıb. Tədbir geniş və rəngarəng konsert proqramı ilə davam edib. Azərbaycanın tanınmış müğənniləri Nigar Şabanova, Aytən Məhərrəmova, “Lahıc” və “Slavyanka” folklor qurupları, Aşıqlar ansambılı bayram ovqatlı fərqli ifalarla  şənlik iştirakçılarına xoş anlar yaşadıblar.