“Vətənimizin müstəqilliyi, torpaqlarımızın işğaldan azad olunması naminə canlarını qurban verən şəhidlərimizin əziz xatirəsi daima qəlbimizdədir. İsmayıllı Dövlət Humanitar və Texnologiya Kolleci hər zaman şəhid və şəhid ailələrinə diqqətinə görə seçilir”.
Bu fikirlər 14 mart 2023-cü il tarixində kollecin məzun və tələbə şəhidləri – Rəhim Həmidovun, Orxan Lətiflinin və Fərid Əliyevin xatirəsinə həsr olunmuş futbol yarışı öncəsi səslənən çıxışlarda yer alıb.
Yarışın izlənilməsində şəhid ailələri, İsmayıllı Rayon Gənclər və İdman İdarəsinin əməkdaşları, kollecin müəllim və tələbə heyəti iştirak edib.
“İsmayıllı xəbərləri”