İsmayıllı rayonunda 27 Sentyabr – Anım Günü münasibətilə ölkəmizin ərazi bütövlüyü uğrunda canlarından keçmiş şəhidlərimizin əziz xatirəsi yad edilib.
İsmayıllı Rayon İcra Hakimiyyətinin təşkilatçılığı ilə keçirilən ziyarətdə hüquq-mühafizə orqanları, şəhid ailələri, qazilər, idarə, müəssisə, təşkilat və ictimaiyyətin nümayəndələri iştirak edib. Anım tədbirləri həmçinin rayon kəndlərindəki şəhid məzarları önündə də keçirilib, şəhid ailələri evlərində ziyarət olunub.
Anım günü ilə əlaqədar saat 12:00-da rayon ərazisində şəhidlərin əziz xatirəsi bir dəqiqəlik sükutla yad edilib, səs siqnalları verilib.
Allah bütün şəhidlərimizə rəhmət eləsin!