“Heydər Əliyev İli” çərçivəsində keçirilən çoxsaylı tədbirlər sırasında İsmayıllı bələdiyyəsinin dəstəyi və təşəbbüsü ilə İsmayıllı Uşaq-Gənclər Şahmat-İdman Məktəbinin birgə keçirdiyi şahmat üzrə rayon birinciliyi də əlavə olunub.
Aprel ayının 13-15-də 6 yaş qrupu üzrə yarışa cəlb olunmuş idmançılarla yarış öncəsi görüş keçirildi.
Açılışda əvvəlcə Ulu öndərin və Vətən torpaqlarının azadlığı uğrunda canından keçmiş şəhidlərimizin ölməz xatirəsi ehtiramla yad edilib.
Bələdiyyənin sədri Pərviz Ağayev idmançılara Ulu öndərin keçirdiyi ömür yolundan, Azərbaycan xalqı üçün həyata keçirdiyi misilsiz işlərdən söz açdı. Dahi şəxsiyyətin ideyalarına sadiq qalmağı tədbir iştirakçılarına tövsiyə edib.
3 gün davam edən yarışmada qaliblər, eləcə də ümidverici idmançılar müəyyənləşdi. Hər qrup üzrə I-III yerləri tutuanlara uyğun medallar, yerlərə və fərqləndiklərinə görə Diplomlar təqdim olunub.
Ulu öndərin anadan olmasının 100 illik yubileyinə həsr olunmuş yarışma xatirə şəkilinin çəkilişi ilə yekunlaşıb.
Ülkər Əsədova,
İsmayıllı bələdiyyəsinin əməkdaşı