Baharın könülləri oxşayan ən xoş günlərindən biri – 4 aprel İsmayıllı Rayon İcra Hakimiyyətinin başçısı cənab Nahid Bağırovun doğum günüdür.
“İsmayıllı xəbərləri” qəzetinin yaradıcı heyəti, “İsmayıllı Yazarları” ədəbi-ictimai birliyi və “Dağ çiçəkləri”ədəbi məclisinin üzvləri bu münasibətlə tərtib etdiyi təbriki redaksiyamıza ünvanlayıb. Təbrikdə deyilir:
Hörmətli Nahid müəllim!
Siz Azərbaycanımızın mirvari parçası olan İsmayıllıda bu bölgəni daha abad görmək amalı ilə yüksək məsuliyyət tələb edən bir vəzifə daşıyırsınız. Bu vəzifədə çalışdığınız müddət ərzində Sizə göstərilən etimadı layiqincə doğruldaraq, rayon sakinlərinin dərin hörmət və sevgisini qazanmısınız.
Ümidvarıq ki, ulu Yaradanın bəxş etdiyi gənclik enerjisi, sağlamlıq, zəka və Vətən sevgisi ilə Sizə etibar olunan şərəfli yolda bundan sonra da əzmlə addımlayacaq, qarşıya qoyulan vəzifələrin icrasında böyük uğurlara imza atacaqsınız.
İnanırıq ki, rəhbərliyiniz altında çiçəklənən İsmayıllı gündən-günə daha da yeniləşəcək və tərəqqi edəcəkdir.
Ümidvar ola bilərsiniz ki, Dövləti, Haqqı, İsmayıllını sevənlər Sizinlədir!
Ömrünüzün hər günü fərəhli və mənalı olsun, əziz və hörmətli Nahid müəllim!
Allah Sizi qorusun!
Dərin hörmətlə:
Şahməmməd Soltanov (Dağlaroğlu)
“İsmayıllı xəbərləri” qəzetinin təsisçisi və baş redaktoru