Hamımıza məlumdur ki, bu il keyfiyyət ilidir. İndi tədrisin keyfiyyəti hər zaman olduğundan da daha çox gündəmdədir. 
Г‡ünki yeni təhsil islahatları biz müəllimlərin qarşısında təhsilin daha da inkişaf etdirilməsini ümdə bir məqsəd kimi qoymuşdur. Bu səbəbdən də biz müəllimlər şagirdlərimizin gələcək üçün hərtərəfli bir vətəndaş kimi formalaşmasına nail olmaq üçün daima var qüvvəmizlə çalışmalıyıq. Təsadüfi deyilməyib ki, təhsili güclü olan ölkə hər zaman öndədir. Mən də öz növbəmdə bu sahədə təhsilimizə töhfəmi vermək üçün var qüvvəmlə çalışıram. Şagirdlərimlə təkcə gündəlik keçdiyim dərslə kifayətlənmirəm. Onlarla müxtəlif səpkili dünyəvi layihələrdə iştirak edirəm. Öncə şagirdlərimlə IEARN layihələrində iştirak edirdim və bu gün də bu layihələrimi davam etdirirəm. Həm də bu təşkilatla baglı “Yerli tariximiz” layihəsinin fasilitatoruyam.
2013-cü ildən plus ölkəsi olaraq Azərbaycan e-Twinning layihələrinə qoşulduqdan sonra mən də şagirdlərimlə bu layihəyə böyük məmnunuiyyətlə qoşuldum. Bu gün iştirak etdiyimiz layihələrin hamısı yerli, 6 layihəm isə Avropa keyfiyyət nişanına layiq görülüb. e-Twinning layihəsi xətti ilə 2014-cü ildə İtaliyada təşkilatın illik konfransında iştirak etdim və təcrübəmi dünya müəllimləri ilə bölüşdüm. Onu da qey etmək istərdim ki, bu gün bu təşkilatın xəttilə bir çox layihənin fasilitatoruyam. Qeyd etməliyəm ki, bizim məktəbin müəllimləri də bu layihəyə böyük həvəslə qoşuldular. Təhsil Nazirliyinin xətti ilə həyata keçirilən e-Twinning layihəsində məktəbimizin demək olar ki, 60%-dən çox müəllimi bu layihələrdə iştirak edir. Bu layihələrin hamısı yerli və çoxu isə avropa keyfiyyət nişanına layiq görülüb. Şagirdlərimiz bu layihələrdə iştirak etməklə dünya şagirdləri ilə layihələr çərçivəsində müxtəlif səpkili müzakirələr aparırlar. Həm də bu layihələr ingilis dilində aparılır və bu da şagirdlərin öyrəndikləri dilin möhkəmləndirməsinə nail olmalarına yardımçı olur. Onu da qeyd etməliyəm ki, bu təşkilatın xəttilə müəllimlərimizdən mən-Şükufə Nəcəfova və Surə Mehdiyeva Gürcüstanda keçirilən konfransda iştirak etdik. Dünyanın bir çox ölkələrindən və müxtəlif təşkilatlardan nümayəndələr bu konfransda iştirak edirdilər. Biz öz təcrübəmizi konfrans nümayəndələri ilə bölüşdük. May ayında isə müəllimlərimiz-Bahar Abdullayeva və Leyla Əliyeva Türkiyədə bu təşkilatın xəttilə konfransda iştirak edəcəklər.
Bu gərgin əməyin nəticəsidir ki, bu il məktəbimiz e-Twinning məktəbi mükafatına layiq görülüb.
Hər il olduğu kimi bu il də şagirdlərimlə bir çox e-Twinning layihələrində iştirak edirəm. Bu layihələrdən biri də “Tvinnerlər yollarda” layihəsidir. Qeyd etmək istərdim ki, bu layihədə məktəbimizdən bir neçə müəllimlərimiz də şagirdləri ilə birlikdə iştirak edirlər.
Məktəbimizin 3 müəllimi – Şükufə Nəcəfova, Bahar Abdullayeva və Həcər Abdurzaqova “Twinnerlər yollarda” layihəsi çərçivəsində Türkiyədə düzənlənən elmi-praktik simpoziuma dəvət almışdıq. Biz 4-9 aprel tarixində Türkiyədə “Kardeş ülkeler- Türkiyə və Azərbaycanın mədəni irsinin və tarixinin öyrənilməsi” mövzusunda elmi-praktik simpoziumda iştirak etdik.
Hava alanında bizi Alemdağ Əmlak Konut ilkokulunun müdiri Tufan Arica qarşıladı. 
Bu layihə hərəkətli bir layihədir. Layihənin məqsədi ölkələrin tarixi, mədəniyyəti və adət ənənələrini öyrənmək və iştirakçılarla paylaşmaqdır. Biz öncə İstanbulun tarixi yerlərindən “Yerəbatan sarnıcı”nda, “Sultanəhməd camisində”, “Topkapı”da, “Qız qalası”nda olduq.
Növbəti gün ALEMDAДћ EMLAK KONUT ORTA OKULUNDA olduq. 
Məktəbin müdiri Gökhan Atar bizi məktəblə bağlı məlumatlandırdı və dərslərdə olduq.
Biz həmçinin məktəbdə inkluziv təhsil bölümündə və kiçik yaşlı şagirdlərin məktəb öncəsi hazırlıq bölümündə də olduq.
Sonrakı görüşümüz –“yəni layihəmizin 4-cü durağı İsgəndərunda oldu. Bizi layihə əməkdaşlarımızdan Sevgi xanım qarşıladı. Günün sonu olduğundan şəhərlə az da olsa tanış olduq.
Projemizin uluslararası görüşündə proje gezimiz səhər yeməyi ilə başladı.
Sonra tvinnerlər olaraq Şirinyurt İlkokulunda olduq. Şagirdlərlə və məktəb rəhbəri ilə görüşdük. 
İskenderun Dəniz Muzeyinin qarşısında bayraq deyişimi törenindən sonra muzeylə tanış olduq. 
Şagirdlər muzeylə bağlı təqdimatlar etdilər. Sonra Sokullu Mehmet Paşa Külliyesi, II.Selim Camii, Payas qalasında olduq. Son olaraq Şirinyurt İlkokulunu gəzdik. Məktəblə yaxından tanış olduq. 
Görüş zamanı mən-Şükufə müəllimə şagirdlərimin yazmış olduğu məktubları Dənizli məktəblilərinin müəllimi Sabriyyə xanıma təqdim etdim və öz növbəsində o da şagirdlərinin məktublarını mənə təqdim etdi.
Şagirdlərimiz dostlarının məktublarını böyük səbirsizliklə gözləyirdilər. Şagirdlərimiz dostlarının məktublarını oxuyarkən.
Layihənin 5-ci durağı Bodrum və Dənizlidir. Mayın 19-da gerçəkləşəcək bu görüşdə biz də onlayn iştirak edəcək və skayp görüşümüz olacaq.
Son 6-cı duraq iyunda Azərbaycanda İ. Həsənov adına İsmayıllı şəhər 1 saylı tam orta məktəbi olacaq.
Şükufə Nəcəfova,
İ.Həsənov adına İsmayıllı şəhər 1 nömrəli tam orta məktəbinin ingilis dili müəllimi