Gənclər görüşdən məmnun qalıb   

Gənclərin İnkişaf və Karyera Mərkəzinin Dağlıq Şirvan Regional Nümayəndəliyinin İsmayıllı bölməsinin bir qrup könüllüsü “Peşəkar kadr” layihəsi  çərçivəsində “İsmayıllı xəbərləri” qəzetinin redaksiyasında olub. Könünüllülər  qəzetin baş redaktoru, şair-jurnalist Şahməmməd (Dağlaroğlu) Soltanovla  görüşüblər.

Şair qonaqları ilə tanışlıqdan sonra  özü,  işi  və yaradıcılığı barədə onlara  ətraflı məlumat verib.

Zəngin həyat təcrübəsinə malik redaktor səmimi söhbət mühitində keçən görüşdə gəncləri maraqlandıran sualları cavablandırıb.

Sonda şair  görüşün fəallarına  çapdan yenicə çıxmış “Sən yaşa, Azərbaycan” adlı şeirlər kitabını və “İsmayıllı xəbərləri” qəzetinin son bir neçə  nömrəsini  hədiyyə edib.

Gənclər  görüşdən məmnun qaldıqlarını bildiriblər.

Leyla Ağamalızadə