YÜKSƏK NƏTİCƏLƏR ƏLDƏ OLUNUB
Kənd təsərrüfatı
İqtisadiyyatın digər sahələri ilə müqayisədə aqrar bölmədə yüksək nəticələr əldə olunmuş, ümumi məhsul buraxılışının həcmində kənd təsərrüfatının payı 49,3 faiz təşkil etmişdir.
2022-ci il üzrə kənd təsərrüfatının ümumi məhsulunun faktiki qiymətlərlə dəyəri 139932,3 min manat təşkil etmişdir ki, onun da 60979,3 min manatı heyvandarlıq, 78953,0 min manatı isə bitkiçilik məhsullarının payına düşür.
2021-ci il ilə müqayisədə kənd təsərrüfatında ümumi məhsul istehsalı real ifadədə 101,0 faiz təşkil etmişdir. Bu dövrdə heyvandarlıq məhsulları istehsalı faktiki qiymətlərlə 13,9 faiz, bitkiçilik məhsulları istehsalı isə 22,0 faiz artmışdır.
Bitkiçilik
Rayonda kənd təsərrüfatı məhsullarının yığımı başa çatmışdır. 2022-ci ildə qarğıdalı da daxil olmaqla 31127 hektar sahədən dənlilər və dənli paxlalı bitkilərin əkin sahəsindən ilkin çəkidə 111424 ton və ya ötən ilin eyni dövrü ilə müqayisədə 2,6 faiz çox məhsul götürülübdür. Orta hesabla hər hektardan əldə edilmiş məhsul 35,7 sentner təşkil etmişdir. Bundan əlavə məhsulu toplanmış 100 hektar qarğıdalı sahəsindən 700 ton məhsul götürülübdür. Hesabat dövründə istehsal olunmuş dənlilərin və dənli paxlalı bitkilərin (qarğıdalı daxil) 83326 tonunu və yaxud 74,9 faizini buğda, 26661 tonunu və yaxud 23,9 faizini arpa təşkil etmişdir. Buğdanın məhsuldarlığı keçən ilin müvafiq dövrünə nisbətən 0,8 sentner artaraq 37,0 sentner, arpanın məhsuldarlığı 0,6 sentner artaraq 32,2 sentner olmuşdur.
Yığım başlanandan sahələrdən 10542 ton və ya keçən ilin müvafiq dövrünə nisbətən 27,9 faiz az kartof, 7462 ton (0,1 faiz çox) tərəvəz, 9782 ton (2,0 faiz çox) meyvə və giləmeyvə, 2678 ton (1,2 faiz az) üzüm yığılıbdır. Bundan əlavə 242 hektar sahədən 234 ton dən üçün günəbaxan, 15 hektar sahədən 33,1 ton tütün, 0,8 hektar sahədən 10,0 ton bostan bitkiləri toplanmışdır.
Bütün təsərrüfat kateqoriyaları üzrə bitkiçilik məhsullarının yığımı
| 2022-ci ilin
yanvar-dekabr |
2021-ci ilin
yanvar-dekabr |
||||||
| Yığılmış sahə, hektar | Yığılmış sahə əkin sahəsinə, faizlə | Yığılmış məhsul, ton | Məhsul-darlıq, sent/ha | Yığılmış sahə, hektar | Yığılmış məhsul, ton | Məhsul-darlıq, sent/ha | |
| Dənlilər və dənli paxlalı bitkilər-cəmi |
31127,0 |
100,0 |
111424,0 |
35,8 |
30903,0 |
108582,1 |
35,1 |
| ondan:
buğda |
22495,0 |
100,0 |
83326,0 |
37,0 |
22665,0 |
82047,4 |
36,2 |
| arpa | 8269,0 | 100,0 | 26661,0 | 32,2 | 7712,0 | 24369,9 | 31,6 |
| qarğıdalı dən üçün |
100,0 |
100,0 |
700,0 |
70,0 |
100,0 |
1005,0 |
100,5 |
| sair dənlilər | 53,0 | 100,0 | 148,0 | 27,9 | 82,0 | 225,0 | 27,4 |
| paxlalılar | 210,0 | 100,0 | 589,0 | 28,0 | 344,0 | 934,8 | 27,2 |
| Günəbaxan dən üçün |
242,0 |
100,0 |
234,0 |
9,7 |
300,0 |
216,3 |
7,2 |
| Şəkər çuğunduru |
0 |
0 |
0 |
0 |
45,8 |
1337,8 |
292,1 |
| Tütün | 15,0 | 100,0 | 33,1 | 22,1 | 15,0 | 41,2 | 27,5 |
| Kartof | 726,0 | 100,0 | 10542,0 | 145,2 | 976,0 | 14611,0 | 149,7 |
| Tərəvəz | 745,0 | 100,0 | 7462,0 | 100,2 | 753,0 | 7456,0 | 99,0 |
| Bostan bitkiləri | 0.8 | 100,0 | 10,0 | 125,0 | 0 | 0 | 0 |
| Meyvə və giləmeyvə | 3937,0 | x | x | x | 3866,0 | x | x |
| ondan: bar verən yaşda | 963 | 100 | 9782,0 | 101,6 | 928 | 9586,0 | 103,3 |
| Üzüm | 1096,3 | x | x | x | 1089,0 | x | x |
| ondan: bar verən yaşda | 1006 | 100 | 2678,0 | 26,6 | 1006 | 2711,0 | 26,9 |
Təsərrüfatlarda 2023-cü ilin məhsulu üçün 31019 hektar sahədə dən üçün payızlıqlar səpilibdir. Ümumi səpinin 23076 hektarını buğda, 7943 hektarını arpa sahələri təşkil edir.
Simran Aydınov,
İsmayıllı Rayon Statistika İdarəsinin aparıcı məsləhətçisi
