Atalar sözlərindən seçmələr                        

Ata qabağından yanaş, itə arxasından.

*

Ayı meşədən küsüb, meşənin xəbəri yoxdur.

*

Ay var bir günə dəyməz, gün var, min aya dəyər.

*

Bağlı qapıya xəta dəyməz.

*

Başmağımı geyə bilərsən, amma yerişimi yeriyə bilməzsən.

*

Bilik ağlın aynasıdır.

*

Bir adamı tanımaq istəsən, ya ortaq ol, ya da yol yoldaşı.

*

Bir ağacdan oxlov da olar, kürək də.

*

Bir ata yeddi oğulu bəslər, yeddi oğul bir atanı saxlaya bilməz.

*

Buxarının əyriliyinə baxma, tüstünün düz çıxmasına bax.

*

Erkək quşun yuvası olmaz.

*

Ev sözsüz olmaz, meşə çaqqalsız.

*

Ən böyük hədiyyə kitabdır.

*

Ət yeyən quşun əti yeyilməz.

*

Hər şeyin təzəsi, dostun köhnəsi.

*

Qonşunu iki inəkli istə ki, özün bir inəkli olasan.

*

Məni sayanın quluyam, saymayanın ağası.

*

Sağ əlin verdiyini sol əl bilməməlidir.

*

Şahın da ələk satana işi düşər.

*

Şirin dil adama dost qazandırar.

(Əvvəli ötən sayımızda)

Göndərəni:  Əli baba (Mehdiyev)