İsmayıllı Rayon İcra Hakimiyyətinin başçısı, Əməkdar elm xadimi Mirdaməd Sadıqova Hörmətli Mirdaməd müəllim!

Azərbaycan Respublikasının Prezidenti İlham Əliyevin Azərbaycan Xalq Cümhuriyyətinin 100 illik yubileyinin qeyd edilməsi haqqında 16 may 2017-ci il tarixli Sərəncamına müvafiq olaraq, cari ilin iyun ayının 30-da rəhbərliyinizlə İsmayıllı rayonunun Lahıc qəsəbəsində AMEA Folklor İnstitutu, İsmayıllı Rayon İcra Hakimiyyəti və Azərbaycan Respublikasının Prezidenti yanında Bilik Fondunun birgə təşkilatçılığı ilə “Folklor milli kimlik kontekstində” mövzusunda keçirilmiş beynəlxalq elmi konfransın yüksək səviyyədə təşkilinə göstərdiyiniz xüsusi diqqətə və konfransa peşəkar moderatorluğunuza görə Bilik Fondunun kollektivi adından və şəxsən öz adımdan Sizə dərin təşəkkürümü bildirir və əməkdaşlığımızın bundan sonra da uğurla davam edəcəyinə inanıram.
Ən xoş arzular və hörmətlə:
Oktay Səmədov,
icraçı direktor