Sumqayıtlılar birinci oldular
Bir neçə gün əvvəl İsmayıllı Olimpiya-İdman Kompleksinin zalında idman məktəblərinin V respublika oyunlarının proqramına daxil edilən voleybol üzrə oğlanlar arasında final yarışı keçirilmişdir.
Yarışda Bakı-1, Bakı-2, Sumqayıt şəhər, Şəki, Cəlilabad, Masallı, Oğuz və Balakən rayon komandaları iştirak etmişlər.
Maraqlı mübarizə şəraitində keçən yarışda Sumqayıt komandası birinci olmuşdur. Şəki voleybolçuları ikinci, Masallı komandası üçüncü yeri tutmuşdur.
10 nəfərdən artıq hakim və məşqçinin rəhbərliyi altında keçən yarımfinal və final yarışmasında 96 nəfər gənc bacarığını sınamış, 300-dən artıq izləyici iştirak etmişdir.
Namiq Kərimov,
İsmayıllı Olimpiya-İdman Kompleksinin direktor müavini
