Maarifləndirici görüş keçirilib

İsmayıllı rayon Uşaq Kitabxanasında İsmayıllı Rayon İcra Hakimiyyətinin, Ailə, Qadın və Uşaq Problemləri üzrə Dövlət Komitəsinin tabeliyində olan İsmayıllı Uşaq və Ailələrə Dəstək Mərkəzi, Dağlıq Şirvan Regional Təhsil İdarəsinin İsmayıllı Rayon Təhsil Sektorunun birgə təşkili ilə tədbir keçirilib.

Tədbirdə rayon üzrə Uşaq Səfirlər Məclisinin nümayəndələri, “Mənim kitabxanam” layihəsinin qalibləri, təhsildə fərqlənən uşaqlar, mütaliə həvəskarı məktəblilər, müəllimlər və məktəblərin  kitabxana işçiləri iştirak edib. Çıxış edənlər kitabların dünyagörüşünü, intellektual səviyyəni və yaddaşı gücləndirdiyini vurğulayaraq, düzgün kitab seçiminə dair tövsiyələr veriblər.

Tədbirin yekununda, A.Aslanov adına İsmayıllı şəhər 2 nömrəli tam orta məktəbin IX sinif şagirdi Ruhəngiz Qasımovanın moderatorluğunda, “İsmayıllı Yazarları” ədəbi-ictimai birliyinin sədri və ekspert qrupunun üzvü, şair Şahməmməd Dağlaroğlu təhsildə fərqlənən uşaqlara özünün  müəllifi olduğu bir neçə kitabı hədiyyə edib.

X.Bağırova

İsmayıllı Uşaq və Ailələrə Dəstək Mərkəzinin əməkdaşı