89 saylı İsmayıllı Seçki Dairəsindən Azərbaycan Respublikası Milli Məclisi deputatlığına namizəd

NOVRUZƏLİ DAVUD OĞLU ASLANOV (NOVRUZ ASLAN)

SEÇKİ PLATFORMASI

*Müstəqilliyimizin qorunub saxlanılmasında, dövlətçilik ənənələrinin möhkəmləndirilməsində fəal iştirak etmək, milli-mənəvi dəyərlərimizi, mədəniyyət və incəsənət incilərimizi qorumaq;

*Azərbaycanın ərazi bütövlüyünün qorunmasına, işğaldan azad olunmuş ərazilərdə aparılan sürətli bərpa-quruculuq işlərinə, Böyük Qayıdışa dair I Dövlət proqramına dəstək vermək;

*Dövlətin həyata keçirdiyi ardıcıl və məqsədyönlü siyasi kursuna, sürətli və dayanıqlı inkişafına, müasir cəmiyyət quruculuğuna, vətəndaşların rifahının təmin edilməsinə töhfə vermək;

*Yeni reallıqlar mühitində dinamik inkişafın növbəti mərhələsində qarşıda duran strateji vəzifələrin, əldə olunmuş nailiyyətlərin daha da möhkəmlənməsinə dəstək vermək;

*Rəqabətə əsaslanan, maneəsiz, tam şəffaf və sağlam  biznesin inkişafına hərtərəfli dəstəyin göstərilməsi sahəsində aparılan işlərə, dövlət-özəl tərəfdaşlığının inkişafına yardım etmək;

*Dövlətin korrupsiyaya və rüşvətxorluğa qarşı apardığı mübarizəyə dəstək olmaqda, hər bir Azərbaycan vətəndaşının, eyni zamanda seçicilərin hüququnu müdafiə etməkdə, qanunların aliliyinin təmin olunmasında fəal iştirak etmək;

*Azad sahibkarlığın, həmçinin kiçik və orta təsərrüfat subyektlərinin, xüsusilə bölgələrdə fermer təsərrüfatının, həmçinin turizm sahəsinin inkişaf etdirilməsi naminə yeni çağırışlara cavab verən yeni qanunların qəbul edilməsinə və yerlərdə fəaliyyəti üçün əlverişli şəraitin yaradılmasına çalışmaq;

*Regionların sosial-iqtisadi inkişafı Dövlət Proqramına uyğun olaraq İsmayıllı rayonunun hərtərəfli sosial-iqtisadi inkişafının təmin olunmasında, əhalinin problemlərinin həlli istiqamətində əlaqədar qurumlar qarşısında məsələnin qaldırılmasında, ixtisaslı kadrların və gənclərin işlə təmin olunması üçün rayonda yeni təsərrüfat  obyektlərinin açılması sahəsində tədbirlərin həyata keçirilməsində yaxından iştirak və eyni təşəbbüslərlə çıxış etmək;

*Elm və təhsilin, səhiyyənin, bədən tərbiyəsi və idmanın inkişafına, kommunal təsərrüfat xidmətlərinin müasir standartlara uyğun qurulmasına, mədəniyyət və təhsil ocaqlarının, müxtəlif təyinatlı sosial obyektlərin maddi-texniki bazasının möhkəmləndirilməsinə köməklik göstərmək;

*İsmayıllı rayonunun yerli icra orqanlarının, özünüidarəetmənin və qeyri hökumət təşkilatlarının fəaliyyətinin səmərəli təşkilinə dəstək olmaq, onlarla işgüzar əməkdaşlıq etmək;

*İsmayıllı rayonunda müxtəlif sosial və humanitar layihələrin həyata keçirilməsinə, rayonun infrastruktur layihələrinə, xüsusilə təbii qaz, su və enerji ilə təchizat məsələlərində müvafiq tədbirlərin həyata keçirilməsinə, şəxsi mülkiyyətin genişlənməsinə və daha da səmərəli istifadəsinə köməklik göstərmək;

*Şəhid ailələrinin, qazilərinin, müharibə və əmək veteranlarının, tənha insanların, keçmiş məcburi köçkünlərin, Çernobıl əlillərinin və digər bu təbəqədən olan sakinlərin problemlərinin həllinə daim çalışmaq;

*Uşaqlar və gənclər arasında narkomaniyaya və alkoqolizmə, AİDS-ə, koronovirusa və digər yolxucu xəstəliklərə qarşı lazımi maarifləndirmə və profilaktik işlərin aparılmasında, zəruri səhiyyə maarifi işlərində müvafiq icra orqanlarına lazımi köməkliyin göstərilməsinə çalışmaq;

*İsmayıllı rayonunda ətraf mühitin qorunması sahəsində, təbii ehtiyatların mühafizəsi, ekoloji təhlükəsizliyin təmin edilməsi istiqamətində keçirilən tədbirlərə dəstək vermək;

*İsmayıllı rayon sakinləri ilə mütəmadi olaraq görüşlər, qəbullar keçirmək, hüquqlarının qorunmasında, onların sosial-məişət şəraitinin yaxşılaşdırılmasında fəal iştirak etmək;

*Milli Məclisin komitə və plenar iclaslarında daim iştirak etmək, qanun yaradıcılığı sahəsində çalışmaq, yeni çağırışlara cavab verən qurumların qəbuluna töhfə vermək.

Siz məni tanıyırsınız!

Sizinlə birgə xoş gələcəyə doğru!