28 May – Müstəqillik Gününə həsr edilmiş inşa müsabiqəsi keçirilib   

25 may 2023-cü il tarixində Dağlıq Şirvan Regional Təhsil İdarəsinin İsmayıllı Rayon Təhsil Sektoru və İsmayıllı Rayon Gənclər və İdman İdarəsinin birgə təşkilatçılığı ilə rayonun Heydər Əliyev Mərkəzində ümumtəhsil məktəblərinin yuxarı sinif şagirdləri arasında “Müstəqil Azərbaycan ulu öndər Heydər Əliyevin şah əsəridir!” mövzusunda inşa müsabiqəsi keçirilib.

Müsabiqə öncəsi şagirdlərə Ulu öndərin həyatı və fəaliyyəti barədə tarixi məlumatlar çatdırılıb.

İsmayıllı şəhər 1 nömrəli körpələr evi-uşaq bağçasının fidanları bayrama hazırladıqları kompozisiyanı təqdim edərək, alqışlar qazanıblar.

“İsmayıllı xəbərləri”