Şad xəbərdən sevinir, həmyerlimizi alqışlayır, onunla fəxr, qürur duyduğumuzu bildiririk

Azərbaycan Respublikasının  müstəqilliyinin, ərazi bütövlüyünün qorunub saxlanılmasında görə ölkə Prezidenti cənab İlham Əliyevin 25 iyun 2022-ci il tarixdə imzaladığı “Azərbaycan Respublikası Müdafiə Nazirliyinin hərbi qulluqçularına ali hərbi rütbələrin verilməsi haqqında” Sərəncamla əslən İsmayıllı rayonundan olan polkovnik Rüstəmov Zaur Zeynalabdul oğluna general-mayor hərbi rütbəsi verilmişdir.

Bu şad xəbərdən sevinir, həmyerlimizi alqışlayır, onunla fəxr, qürur duyduğumuzu bildirir, eləcə də Vətənə ləyaqətlə xidmət edən hərbi qulluqçuların diqqətdə saxlanmasına görə Prezidentə – Ali Baş Komandan cənab İlham Əliyevə və Azərbaycan Respublikası Müdafiə Nazirliyinə İsmayıllı rayonunun ictimaiyyəti adından minnətdarlıq edirik.

“İsmayıllı xəbərləri”