Atalar sözlərindən seçmələr
Axşamın qızartısı sabaha yaydır, sabahın qızartısı axşama vaydır.
*
At almağa cahıl gedər, qız almağa ahıl.
*
Ayağını isti saxla, başını sərin, yeməyinə fikir ver, düşünmə dərin.
*
Bacarırsan aslan ol, tülkü olmaq asandır.
*
Baxmaqla öyrənmək olsaydı, itdən qəssab olardı.
*
Balın yoxdur, bal kimi dilin olsun.
*
Bar vaxtı bağbana salam verən çox olar.
*
Bir şeyin qiyməti əldən gedəndən sonra bilinər.
*
Böyüksüz evdə xeyir-bərəkət olmaz.
*
Buynuzsuz qoçun qisası buynuzlu qoçda qalmaz.
*
Dildən acı, dildən şirin şey yoxdur.
*
Elm bir xəzinədir, nə qədər sərf edərsən, o qədər artar.
*
Eşitmək istəmədiyini başqasına eşitdirmə.
*
Fərsiz övlad altıncı barmaq kimidir, kəssən ağrıdar, qalsa, eyib olar.
*
Gün girən evə həkim girməz.
*
İt araba kölgəsində yatar, elə bilər öz kölgəsidir.
*
Kasıb itinin adını Gümüş qoyar.
*
Ləyaqətsizə öyüd-nəsihət versən, səni axmaq sayar.
*
Tez duranla tez evlənən peşman olmaz.
*
Şahın da ələksatana işi düşər.
(Ardı var)