Qurbanəfəndi kəndində görüş
İsmayıllı Dövlət Aqrar İnkişaf Mərkəzinin rəhbərliyi aidiyyəti mütəxəssislərlə birlikdə Qurbanəfəndi kəndinin tütünçü fermerləri ilə görüş keçirib.
Kəndinin fermerləri 2016-cı ildən tütün əkini ilə məşğul olur. Həmin il fermerlər tərəfindən 1000 kiloqrama qədər tütün təhvil vermişdirsə, 2019-cu ildə bu rəqəm 4 ton olmuşdur. Cari ildə fermerlər 2,5 ha. sahədə tütün əkməyi nəzərdə tutublar. Bunun üçün şumun çıxarılmasına başlanıb, şitil üçün yerlər hazırlanır. Fevral ayının sonundan etibarən şitilliklərə toxum səpininə başlanılacaqdır.