Təbrik

İsrayıl Həsənov adına 1 nömrəli tam orta məktəbinin hazırlıq sinfini bitirən əzizimiz Heydər Nuğayevin bu ərəfədə həm də doğum günüdür. Hər iki münasibətlə Heydər balanı babası Rəhman, nənələri Şərqiyyə, Ürbabə, əmisi Şamo, valideynləri Vüqar və Ruhiyyə, əmisi qızı Aytac, bacısı Ləman, gəlinbacısı Aynur ürəkdən təbrik edir.

Heydər balaya sağlam ömür arzu edən əzizləri, ona həyatda davamlı müvəffəqiyyətlər diləyir, inanırlar ki, bu gözəl bala ümidləri doğruldan övlad kimi böyüyəcək, ana yurdun, Azərbaycanın layiqli vətəndaşı kimi onu sevənlərə başucalığı gətirəcək.

Həyata gəlişin toy-bayram oldu,

Sevindi bir nəsil, ata, həm ana.

Sevinc bəxş edəsən əməllərinlə,

Səni sevənlərə – Azərbaycana!

Bu təbrikə “İsmayıllı xəbərləri” qəzetinin yaradıcı heyəti də qoşulur.