Adət-ənənələr yaşadılır

Novruz bayramı münasibəti ilə keçirilən tədbirlər mart ayının 16-da Fazil Əzimov adına Uşaq İncəsənət Məktəbinin fortepiano şöbəsinin müəllimi Elnarə Məmmədova tərəfindən hazırlanmış sinif konserti ilə davam edib.
Şagirdlər Azərbaycan musiqisindən, eləcə də dünya bəstəkarlarının əsərlərindən ibarət konsert proqramı ilə çıxış ediblər. Konsertdə məktəb kollektivi milli musiqi nümunələrimizi təqdim edərək, Novruz bayramına həsr olunan mahnılar ifa ediblər. Milli geyimli şagirdlərin ifasında Novruz folklorunun nümunələri maraqla qarşılanıb. Kosa və Keçəl personajlarının tədbirə qatılması tədbirə xüsusi rəng qatıb. Şagirdlərin ifasında səslənən əsərlər əsl bayram əhval-ruhiyyəsi yaradıb. Konsert “ Yaşa Azərbaycan!” mahnısının sədaları altında başa çatıb.

Novruz bayramı münasibəti ilə keçirilən tədbirlər mart ayının 16-da Fazil Əzimov adına Uşaq İncəsənət Məktəbinin fortepiano şöbəsinin müəllimi Elnarə Məmmədova tərəfindən hazırlanmış sinif konserti ilə davam edib.

Şagirdlər Azərbaycan musiqisindən, eləcə də dünya bəstəkarlarının əsərlərindən ibarət konsert proqramı ilə çıxış ediblər. Konsertdə məktəb kollektivi milli musiqi nümunələrimizi təqdim edərək, Novruz bayramına həsr olunan mahnılar ifa ediblər. Milli geyimli şagirdlərin ifasında Novruz folklorunun nümunələri maraqla qarşılanıb. Kosa və Keçəl personajlarının tədbirə qatılması tədbirə xüsusi rəng qatıb. Şagirdlərin ifasında səslənən əsərlər əsl bayram əhval-ruhiyyəsi yaradıb. Konsert “ Yaşa Azərbaycan!” mahnısının sədaları altında başa çatıb.
Tədbirin yekununda məktəbin direktor əvəzi Bəhruz Haşımov tədbiri hazırlayanlara dərin təşəkkürünü bildirib. Respublika Mədəniyyət İşçiləri Həmkarlar Komitəsi İsmayıllı rayon bölməsinin sədri Gülər Abdullayeva konsertin hazırlanmasında xüsusi əməyi olan E.Məmmədovaya Fəxri fərman təqdim edib.
Ş.Soltanov