Səmərəli görüş
Oktyabr ayının 11-də İsmayıllı Regional Bilik Evinin əməkdaşları şəhər 1 nömrəli tam orta məktəbinin ibtidai sinif şagirdləri ilə görüşüb. Bilik Evinin direktoru Sevinc Novruzova şagirdləri salamlayıb və yeni tədris ilində onlara uğurlar arzulayıb. S.Novruzova kamilliyə ucalan zirvənin məhz təhsildən keçdiyini vurğulayaraq məktəbliləri təhsilə daha məsuliyyətli və sevgi ilə yanaşmağa səsləyib.
Məktəbin təlim-tərbiyə işləri üzrə direktor müavini Dilbər Yəhyayeva, Uşaq birliyi təşkilatının rəhbəri Pərvanə Məmmədova və digər müəllimlərin də iştirakı ilə keçirilən görüş olduqca maraqlı və yaddaqalan olub. Sonda İsmayıllı Regional Bilik Evi tərəfindən şagirdlərə nağıl kitabları hədiyyə edilib.
Rusan Qasımov