Yeni xeyirxah əməl

İsmayıllı Rayon İcra Hakimiyyəti müntəzəm olaraq müxtəlif forma və məzmunlu humanitar aksiyalar keçirir, aztəminatlı ailələri və onların məktəbli uşaqlarını diqqətdə saxlayır, sosial həyatları və fəaliyyətlərinə yardımçı olur.
smayıllı Rayon İcra Hakimiyyəti müntəzəm olaraq müxtəlif forma və məzmunlu humanitar aksiyalar keçirir, aztəminatlı ailələri və onların məktəbli uşaqlarını diqqətdə saxlayır, sosial həyatları və fəaliyyətlərinə yardımçı olur.
Xalqın xidmətçisi olmaq tapşırığını məsuliyyətlə icra edən rayon İcra Hakimiyyətinin başçısı Mirdaməd Sadıqov yeni dərs ili ərəfəsində bu sıradan daha bir xeyirxah əməli həyata keçirib. Bir qrup aztəminatlı, Qarabağ müharibəsi əlili və şəhid ailəsinin uşaqlarına rayon İcra Hakimiyyətində məktəbli forması təqdim olunub.
Rayon İcra Hakimiyyəti başçısının müavini Sevil Əhmədova uşaqlara məktəbli forması ilə birgə sevinc bəxş edib. “Bilik günü” münasibətilə valideynləri və uşaqları Mirdaməd Sadıqovun adından təbrik edib.
Valideynlər yetişən nəslə göstərdiyi diqqət və qayğıya görə cənab Prezidentə minnətdarlıq, RİH-nin başçısına xeyirxah əməlinə görə təşəkkür ediblər.
Valeh Salehov,
Dövlət qulluğu veteranı