Uşaqlar minnətdarlıq ediblər

Yanvar ayının 14-də MKS-nin Uşaq şöbəsində məktəbli uşaqlar üçün milli cizgi filmlərinin nümayişi təşkil olunub. Cizgi filmlərinə baxışdan sonra kitabxananın işçisi Ziya Əlizadə uşaqlara filmlərin məzmunu ilə bağlı suallar verib. Balacalar biri-birindən maraqlı cavabları ilə görüb duyduqlarını ifadə ediblər. Cizgi filmlərinin nümaişindən sonra şöbənin baş kitabxanaçısı Leyla Məmmədova fəal oxuculara görkəmli şairimiz Fikrət Qocanın bir neçə şeirini oxuyub.
Gözəl istirahət etdiklərini söyləyən uşaqlar kitabxananın işçilərinə minnətdarlıqlarını bildiriblər.
“İsmayıllı xəbərləri”