Yaddas kitabcasi

Diplomlar təqdim olundu

İsmayıllı Humanitar Texnologiya Kolleci 2013-cü ildən fəaliyyətə başlamışdır. Kollecdə 8 ixtisas üzrə 346 nəfər tələbə təhsil alır. Fəaliyyətə başladığı dövrdən bu günə kimi ixtisaslar üzrə mütəxəsis hazırlığı yüksək səviyyədə həyata keçirilmiş, tədrisin müasir tələblərə uyğun qurulmasına nail olunmuşdur. Rayonda yeganə tələbə müəssisəsi olan kollec rayonun mədəni həyatında, kütləvi tədbirlərin təşkilində həmişə yaxından işkirak edir, gənclərin əsl vətəndaş kimi yetişməsi daim diqqətdə saxlanır.
2015-ci ildə kollecin ilk məzunlarının buraxılışı oldu. Turizm və onun təşkili fakültəsi üzrə 4 nəfər, kompüter şəbəkələrinin və hesablama texnikasının təmiri və servis xidməti fakültəsi üzrə isə 9 nəfər kolleci bitirmişdir. Bir nəfər məzun-Ədilova Elyanə Təvəkkül qızı məktəbi fərqləmə diplomu ilə bitirmişdir.
Diplomlar təqdim olundu
Diplomlar təqdim olundu
Avqustun 6-da kollecdə diplomların təqdim olunması mərasimi keçirildi. Təqdimat mərasimində valideyinlər, müəllimlər, rayonun qabaqcıl ziyalıları, gənclər, RİH-nin, şəhər bələdiyyəsinin, yerli qəzetin nümayəndələri iştirak edirdilər. Kollecin direktor əvəzi Ssevda Qasımova, İsmayıllı bələdiyyəsinin sədri Pərviz Ağayev, RİH-nin nümayəndəsi Murad Məhərrəmov, İsmayıllı Peşə Tədris Mərkəzinin direktoru Zaur Muradov, “İsmayıllı xəbərləri” qəzetinin baş redaktoru Şahməmməd Soltanov, valideyn İsmayıl Tarverdiyev, bələdiyyə üzvü Rövşən Şirəliyev, müəllimlərdən Ramid Qasımov və başqaları çıxış edərək məzunları, kollecin pedaqoji kollektivini ürəkdən təbrik etdilər.
RİH-nin nümayəndəsi M.Məhərrəmov rayon rəhbəri iqtisad elmləri doktoru, professor, Əməkdar elm xadimi Mirdaməd Sadıqovun səmimi təbriklərini kollecin məzunlarına çatdırdı, onlara müstəqil həyat yollarında, qazandıqları sənət sahəsində uğurlar arzuladı. Məzunlara bitirdikləri ixtisaslar üzrə təntənəli şəkildə diplomlar təqdim olundu.
Şövqi Əhmədov

Şərh Yaz