Yaddas kitabcasi

İsmayıllı gəncləri ölkəni daha yaxşı tanımağa gedirlər

31 avqust, səhər saat 7-dən başlayaraq İsmayıllı şəhərinin Mərkəzi meydanda yeni bir təntənə yaşanırdı. Azərbaycan Respublikası Prezidenti cənab İlham Əliyevin tapşırığı ilə həyata keçirilən “Ölkəmizi tanıyaq” maarifləndirici tur-aksiyasına qoşulan rayonların yuxarı sinif şagirdlərini qarşılayıb, qədim Lahıcla, rayonun zəngin təbiəti ilə tanış edən ismayıllılar indi öz övladlarını respublikanın Şimal bölgəsinə yola salırlar.
İsmayıllı gəncləri ölkəni daha yaxşı tanımağa gedirlərİsmayıllı gəncləri ölkəni daha yaxşı tanımağa gedirlər

31 avqust, səhər saat 7-dən başlayaraq İsmayıllı şəhərinin Mərkəzi meydanda yeni bir təntənə yaşanırdı. Azərbaycan Respublikası Prezidenti cənab İlham Əliyevin tapşırığı ilə həyata keçirilən “Ölkəmizi tanıyaq” maarifləndirici tur-aksiyasına qoşulan rayonların yuxarı sinif şagirdlərini qarşılayıb, qədim Lahıcla, rayonun zəngin təbiəti ilə tanış edən ismayıllılar indi öz övladlarını respublikanın Şimal bölgəsinə yola salırlar.
40 nəfər IX-XI sinif şagirdi ölkəni daha yaxşı tanımaq üçün Quba-Xaçmaz-Qusar marşrutu üzrə səfərə çıxırlar. Rayon İcra Hakimiyyətinin, Rayon Təhsil Şöbəsinin, Rayon Mədəniyyət və Turizm Şöbəsinin, Gənclər və İdman İdarəsinin rəhbərliyi, valideynlər xoşbəxt uşaqların bu gününə sevinərək, cənab Prezident İlham Əliyevin tükənməz qayğısına görə minnətdar olaraq tur-aksiyaya qoşulan uşaqlara yaxşı yol arzulamağa gəliblər.
İsmayıllı gəncləri ölkəni daha yaxşı tanımağa gedirlər
Səfərə çıxanlar əvvəlcə Rayon İcra Hakimiyyətinin rəhbərliyi ilə birgə ümummilli lider Heydər Əliyevin abidəsi önünə gül dəstələri qoydular. RİH-nin başçısı Mirdaməd Sadıqov Azərbaycanı daha yaxşı tanımaq üçün səfərə çıxan gənclər qarşısında çıxış etdi, onlara ölkə tarixini daha yaxşı öyrənməkdə, Respublikanın gələcək inkişafında fəal iştirakda, təhsillərinin davamında uğurlar arzuladı. Qeyd etdi ki, yeni nəsil Azərbaycan dövlətinin, cənab Prezident İlham Əliyevin siyasi iradəsi və qayğısı sayəsində daha sürətlə inkişaf edəcək Azərbaycanın daha xoşbəxt sabahını yaşayacaqdır.
İsmayıllı şəhər 6 nömrəli tam orta məktəbinin şagirdi Ayşən Salmanova, 3 nömrəli tam orta məktəbinin şagirdi Toğrul Qasımov, 1 nömrəli tam orta məktəbinin sagirdi – Yaponiyaya səfərə gedib-gəlmiş Şamxal İsrayılzadə və valideyn Məlahət Nəcəfova çıxış edib yaradılan imkanlar, göstərilən diqqət və qayğı üçün ölkə Prezidentinə dərin minnətdarlıqlarını bildirdilər.
Rayonun 11 tam orta məktəbini təmsil edən şagirdlər sevinclə avtobusa əyləşib, Şimal bölgəsinə istiqamət götürdülər. Vətəni daha çox sevmək üçün onu daha yaxşı öyrənmək həvəsi tur müddətində və sonralar onların sadiq yol yoldaşı olacaq.
Gülnarə Mirzəliyeva

Şərh Yaz