Həyatla oyun
28 avqust tarixində İsmayıllı Peşə Tədris Mərkəzində Azərbaycan Respublikası Gənclər və İdman Nazirliyinin təşkilatı dəstəyi ilə Bakı Uşaq Teatrının hazırladığı və narkomaniyaya qarşı mübarizəyə həsr edilmiş “Həyatla oyun” adlı tamaşa nümayiş etdirilib. Giriş sözü ilə çıxış edən Bakı Uşaq Teatrının yaradıcısı, “Həyat yolu” tamaşasının quruluşcu rejissoru İntiqam Soltanov Azərbaycanın 20-dən çox bölgəsi və ali məktəbində tamaşanı göstərdiklərini deyib. Həyatla oyun
28 avqust tarixində İsmayıllı Peşə Tədris Mərkəzində Azərbaycan Respublikası Gənclər və İdman Nazirliyinin təşkilatı dəstəyi ilə Bakı Uşaq Teatrının hazırladığı və narkomaniyaya qarşı mübarizəyə həsr edilmiş “Həyatla oyun” adlı tamaşa nümayiş etdirilib. Giriş sözü ilə çıxış edən Bakı Uşaq Teatrının yaradıcısı, “Həyat yolu” tamaşasının quruluşcu rejissoru İntiqam Soltanov Azərbaycanın 20-dən çox bölgəsi və ali məktəbində tamaşanı göstərdiklərini deyib.
O, tamaşanın jurnalist Arzu Soltanın “Xaşxaşın göz yaşları” və ya “Həyatla oyun” adlı pyesi əsasında hazırlandığını qeyd edib. Təxminən bir saata qədər davam edən tamaşa, izləyicilərin böyük marağına səbəb olub. Tamaşada ali məktəb tələbələrindən bir qrupunun narkomaniyanın girdabına necə yuvarlanmaları və bu səbəbdən onların üzləşdikləri arzuolunmaz həyat lövhələri böyük ustalıqla nümayiş etdirilib. Tamaşanın gedişi zamanı və sonda aktyorların qazandığı alqışlar, onların peşəkarlığına verilən dəyər olub. Tamaşa başa çatdıqdan sonra zalı tərk etməkdə olan izləyicilər aktyor heyyətinə minnətdarlıq edib. Tamaşanın quruluşçu rejissoru İntiqam Soltanovdan öyrəndik ki, məqsədləri Azərbaycanın hər bir bölgəsində olub, təbliğatı davam etdirməkdir. O, narkomaniyanın aktual mövzu olduğunu deyib və qeyd edib ki, hər bir insan bu təbliğatda rol oynamalıdır. Dünyanı məhvə aparan narkomaniyanın qarşısını yalnız , onun fəsadlarını insanlara əyani şəkildə göstərməklə almaq olar.
Teatrın quruluşçu rejissoru, tamaşadakı ana rolunun ifaçısı İlhamə Əhmədovaya verdiyimiz, bu sahədə analara sözünüz nədir? – sualına belə cavab aldıq: Analar zərif məxluqdurlar. Hər bir ana övladı üçün canından keçər. Övlad tərbiyəsi ana üçün xüsusi önəm daşıyır. Bəzən ana, bilməyərəkdən övladının tərbiyəsinə düzgün istiqamət verə bilmir. Söz yox ki, sonda bunun əzabını çəkir. Analara sözüm odur ki, övladlarının tərbiyəsində səhvə yol verməsinlər. Məncə, hər bir ana bu məsələ ilə bağlı məlumatı olmalıdır ki, övladını qoruya bilsin. Teatrdakı səhnədən görürük ki, ana, övladına narkotik vasitələr haqqında məlumat verməyi yersiz sayır. Nəticədə isə uşaq ondan gizlədilən obyektə maraq göstərir. Bu da sonda onun və yaxınlarının həyatını məhv edir. 
Teatırın aktirisası Könül Şahbazova gənclərə kitab mütaliə etməyi, zərərli vərdişlərdən uzaq durmağı tövsiyə edir. Tərbiyəmizdə ailənin, cəmiyyətin və özümüzün də rolumuz var – deyir.
Tamaşadakı Nicat rolunun ifaçısı Rauf Hüseynov bildirir: İnsan sağlam düşünməli, sağlam cəmiyyətin sağlam üzvü olmağa can atmalıdır. Bunun üçün nəinki narkotikaya, hətta siqaret çəkməyə də yox demək lazımdır.
Əsərdəki gənc narkoman tələbə, Duman rolunda çıxış edən Niyaz Qasımov: Oynadığım rol ümumiləşdirilmiş narkaman obrazıdır. Gördüyünüz kimi, Duman narkotik maddələrin aludəçisi olmaqla, yalnız özünün deyil, başqalarının da həyatını məhv edir. Tamaşanın sonunda məlum olur ki, hadisələr bu cür cərəyan etməyə də bilərdi. Uşaq vaxtında narkotikaya qoyulan qadağaya izahat ala bilmədiyindən o, sonradan bu sahəyə olan marağının arxasınca gedir. Getdiyi yol isə uçurumda bitir. Gənclərə tövsiyəm odur ki, yüksək təhsil alsınlar. Savadlı insan heç vaxt həyatda yanlış addım atmağa cəhd etməz . İnsanın zövqünü formalaşdıran onun qəbul etdiyi informasiyadır. İnsan hər hansı bir sahə üzrə samballı, lazımi informasiyaları qəbul etmədikdə cılız şeylərə meyl edir. Dühaları görəndə isə düşünür ki, əgər onlar belə etməyibsə mənim də etməyiə haqqım yoxdur. Bu həm elmi, həm də dini baxımdan belədir. İstənilən halda, həyatla oynamaq olmaz.
Ş.Soltanov
