Prezident İlham Əliyev İsmayıllı rayonuna səfər edib

Prezident İlham Əliyev İsmayıllı rayonuna səfər edib
Avqustun 14-də prezident İlham Əliyevin İsmayıllıya səfəri çərçivəsində bir sıra müəssisələr açılıb.
Prezident İlham Əliyev İsmayıllı rayonuna səfər edib


Avqustun 14-də prezident İlham Əliyevin İsmayıllıya səfəri çərçivəsində bir sıra müəssisələrin açılışı olub.
Prezident İlham Əliyev İsmayıllı rayonuna səfər edib
AzərTAc-ın məlumatına görə, prezident tikiş fabrikinin açılışına qatılıb. Müəssisədə Yaponiya, Çin, Rusiya, Almaniya və Türkiyə istehsalı olan müasir avadanlıqların quraşdırıldığı, ikinövbəli iş rejimində 104 nəfərin çalışacağı bildirilib.

Həmçinin Sumağallı kəndi yaxınlığında inşa edilən «İsmayıllı-1» Su Elektrik Stansiyası açılıb.

Bu gün İsmayıllı şəhərində yeni avtovağzal da istifadəyə verilib. Ümumi ərazisi 0,26 hektar olan avtovağzalda 48 nəfərlik 4 perron inşa edilib. Burada ümumi sahəsi 137 kvadratmetr olan gözləmə zalı, ictimai-iaşə obyekti, həkim otağı yaradılıb. Avtovağzal Bakı şəhərinə, Şamaxı, Qəbələ, Oğuz, Şəki, Qax, Zaqatala, Balakən rayonlarına gedən sərnişinlərə xidmət göstərəcək.

Prezident İsmayıllıda İvanovka-Hacıhətəmli-Mollaisaqlı avtomobil yolunun açılışına da qatılıb.
“İsmayıllı xəbərləri”

Şərh Yaz