Ramazan bayramı avqustun 20-də qeyd olunacaq
Müqəddəs Ramazan ayının sonuna bir neçə gün qalıb. Qafqaz Müsəlmanları İdarəsi bu il bayramın hansı günə düşəcəyini müəyyən edib. Qurumun Fətva şöbəsinin müdiri Mirəziz Seyidzadə bildirib ki, fitrəni avqustun 19-da orucu açmazdan əvvəl çıxarmaq daha münasibdir.
“19-u axırıncı günümüzdür. Peyğəmbərimiz buyurub ki, ayı görün orucunuzu tutun, ayı görün orucunuzu açın. Birdən biz 19-u ayı gördük, o zaman nə vaxt bizə sübut olsa, orucumuzu açmalıyıq. Çünki bayram günü oruc tutmaq olmaz. Amma mən elə bilirəm və bizim təcrübəmizdən bu il İnşallah 20-si bayram günü olacaq”.
