Səfər qarşıda duran vəzifələri müəyyənləşdirdi » Ismayilli-Xeberleri.info . Ismayıllı-Xəbərləri Qazetinin rəsmi saytı.
Авторизация Качественные шаблоны для dle скачать бесплатно, а также вы сможете посмотреть кино онлайн в HD качестве и прочитать для себя новые кулинарные рецепты.
 
  • 15:34 – Qalacıq kənd tam orta məktəbində "Bilik günü" qeyd olunub 
  • 10:21 – Təltiflər, təbriklər 
  • 19:22 – Aran zonasında görüşlər 
  • 16:45 – Məktəblərə qayğı artırılmalıdır 

Səfər qarşıda duran vəzifələri müəyyənləşdirdi

25-26 avqust 2018-ci il tarixlərdə Azərbaycan Respublikasının Prezidenti İlham Əliyev İsmayıllıya səfər edib. Səfərinin birinci günü cənab Prezident Minkə-Keyvəndi-Şəbyan-Bəhliyan və Kürdmaşı-Kəlbənd-Girk avtomobil yollarının yenidənqurma və bərpasından sonra, Kürdmaşı kəndi ərazisində “Buta Qrup” MMC tərəfindən yaradılan aqroparkın, “Azərxalça” ASC-nin İsmayıllı filialının, Keyvəndi kəndindəki 1000 başlıq müasir heyvandarlıq kompleksinin, “Azərişıq” ASC-nin yenidən qurulan 110/35/10 kilovotluq elektrik yarımstansiyasının açılışlarını edib.Səfər qarşıda duran vəzifələri müəyyənləşdirdi
Səfər qarşıda duran vəzifələri müəyyənləşdirdi                       Prezident İlham Əliyev birinci xanım Mehriban Əliyeva ilə birgə səfərinin 2-ci gününü qədim tarixə malik, xalq sənətkarlığının beşiyi olan Lahıc qəsəbəsinə həsr edib. Dəmirçi-Lahıc avtomobil yolunun, 400 yerlik yeni məktəb binasının, qəsəbəyə təbii qazın verilməsinin açılışını edib. Lahıcın ictimaiyyət nümayəndələri və qaz kəməri çəkilişinin iştirakçıları ilə görüşüb.
Ölkə rəhbəri səfəri zamanı Lahıcın, ümumilikdə rayonun cari və perspektiv inkişafı ilə əlaqədar tapşırıq, göstəriş və tövsiyələr verib.
Dövlət başçısı səfərdən dərhal sonra İsmayıllı şəhərində yeni xalça fabrikinin, 48 mənzilli yaşayış binasının və 100 yerlik uşaq bağçasının tikintisi barədə sərəncam imzalayıb.
31 avqust 2018-ci il tarixdə rayon İcra Hakimiyyəti Mədəniyyət mərkəzində Azərbaycan Respublikasının Prezidenti İlham Əliyevin 25-26 avqust 2018-ci il tarixlərdə İsmayıllıya səfərinə, sərəncam, tapşırıq və tövsiyələrinin icrasına həsr olunmuş fəallar yığıncağı keçirilib. Yığıncaq açıq elan edildikdən sonra 25-26 avqust tarixli səfərləri əks etdirən filmə baxılıb. Sonra rayon İcra Hakimiyyətinin başçısı Mirdaməd Sadıqov Prezident İlham Əliyevin sərəncam, tapşırıq və tövsiyələrinin icrası ilə bağlı ətraflı çıxış edib, müxtəlif istiqamətlər üzrə hazırlanmış fəaliyyət proqramlarına və tədbirlər planlarına şərh verib. Bir sıra kəndlərə qaz çəkilişi, istehsal və sosial, təhsil obyektlərinin və yolların tikintisi ilə bağlı ilkin layihə işlərinə, torpaq ayrılmasına başlandığını deyib. Əminliklə bildirib ki, cənab Prezidentin sərəncam, tapşırıq və tövsiyələrindən irəli gələn vəzifələr layiqincə, vaxtında icra olunacaqdır.
Millət vəkili Novruzəli Aslanov, professor, Teleradio Şurasının sədr müavini Qafar Cəbiyev, ədliyyə veteranı, ağsaqqal hüquqşünas Rəsul Səfərov, millət vəkili Tahir Kərimli, “Azərxalça” ASC-nin sədri Vidadi Muradov, “Azəriqaz” Ağsu Regional Qaz İstismarı İdarəsinin rəisi Namiq Məmmədov, “AZZA AQRO” MMC-nin icraçı direktoru Nəriman Hüseynov və iş adamı, istifadəyə verilmək ərəfəsində olan “Bədo” sanatoriyasının sahibi Məzahir Həsənov çıxış ediblər.
Hər bir çıxışda Prezident İlham Əliyevin İsmayıllı ilə bağlı verdiyi sərəncam, tapşırıq və tövsiyələrin icrası üçün tam səfərbərlik səslənib.
Fəallar yığıncağı müzakirə olunan məsələ ilə əlaqədar hazırlanmış fəaliyyət istiqamətləri və icra profilləri ilə əlaqədar proqramları və tədbirlər planını təsdiq edib.
Fəallar yığıncağının iştirakçıları Azərbaycan Respublikasının Prezidenti İlham Əliyevə müraciət qəbul edib (Müraciət qəzetin birinci səhifəsində dərc edilib).
reytinq:  5
Şərh yaz
  • Son xəbərlər
buraaa
Sosial səbəkədə
  • Facebook
  • Facebook
  • Twitter