• Ana səhifə |
Subscribe by RSS or RUS
» » “Şahin” oyunlarının rayon turu şəhidin xatirəsinə həsr olunub

“Şahin” oyunlarının rayon turu şəhidin xatirəsinə həsr olunub

Yazar Ismayilli
//
18 aprel 2017
//
//
Oxunub 223
//
5 aprel 2017-ci il tarixdə İsmayıllı rayon İcra Hakimiyyətinin, YAP rayon təşkilatının, rayon Gənclər və İdman İdarəsinin, Rayon Təhsil Şöbəsinin təşkilatçılığı ilə aprel döyüşlərində şəhid olmuş Mikayıl Vahabzadənin xatirəsinə həsr olunmuş ”Şahin” hərbi idman oyunlarının rayon turu keçirilib.
“Şahin” oyunlarının rayon turu şəhidin xatirəsinə həsr olunub
“Şahin” oyunlarının rayon turu şəhidin xatirəsinə həsr olunub
“Şahin” oyunlarının rayon turu şəhidin xatirəsinə həsr olunub
Heydər Əliyev adına mərkəzi meydana hərbi geyimli məktəbli gənclər və min nəfərə qədər digər iştirakçılar toplaşıb. Şəhidin anım gününü - “Şahin” hərbi idman oyunlarının başlanğıc mərhələsini giriş nitqi ilə rayon Gənclər və İdman İdarəsinin rəisi Taleh Salehov açaraq qeyd edib ki, İsmayıllı gənclərinin ordu sıralarında olan bir qrupu aprel döyüşlərində əsil əsgər fəallığı, zabit qətiyyəti ilə vuruşublar. Maçaxı kənd sakini, Sumqayıt Dövlət Universitetinin məzunu Mikayıl Vahabzadə Vətən, Azərbaycan yolunda şəhid olub. İsmayıllı şəhər sakini, həyatını orduya bağlamış Yaşar Ağayev döyüşlərdə ölümcül yara alıb. Dövlətimizin qayğısı sayəsində Gülhanə Tibb Akademiyasında bir neçə ay müalicə olunub. Döyüşlərdə fərqlənən digər əsgərlərimiz də vardır ki, onlar indi yetişən nəslin hərbi vətənpərvərlik tərbiyəsində yaxından iştirak edirlər.
Açılışdan sonra Dövlət Himni səsləndirilib. Mikayıl Vahabzadənin timsalında Qarabağ müharibəsində şəhid olan bütün vətən övladlarının əziz xairəsi bir dəqiqəlik sükutla yad edilib.
İsmayıllı rayon İcra Hakimiyyətinin başçısı Mirdaməd Sadıqov aprel döyüşlərində Azərbaycan ordusunun qələbəsindən, cənab Prezident İlham Əliyevin və Birinci vitse-prezident Mehriban Əliyevanın şəhid ailələrinə qayğısından, Cocuq Mərcanlının timsalında Böyük Qayıdışın başlanmasından, vətən torpaqlarının tezliklə bütövləşəcəyindən, qüdrətli ordumuzun sayəsində cənab Prezident və Silahlı Qüvvələrin Ali Baş Komandanı İlham Əliyevin rəhbərliyi ilə işğala son qoyulacağından ətraflı danışıb. Şəhidlərə rəhmət diləyib, “Şahin” hərbi idman oyunları iştirakçılarına uğurlar arzulayıb.
Aprel döyüşlərində ağır yaralanmış Yaşar Ağayevin atası Təvəkkül Ağayev və rayon Veteranlar Şurasının sədri, istefada olan polkovnik Əlaləm Babayev çıxış ediblər.
Anım tədbirində iştirak edən Şəhid Mikayıl Vahabzadənin valideyinləri, qohumları və yaxınları adından dayışı Nəriman Şərifov çıxış edərək şəhid ailələrinə, müharibədə yaralanmış əsgər və zabitlərə göstərdiyi qayğıya görə ölkə başçısına minnətdarlıq edib, bugünkü tədbirin təşkilatçılarına təşəkkürünü bildirib.
Bununla da şəhidin xatirəsinə həsr olunmuş “Şahin” idman oyunlarının birinci mərhələsi başa çatıb. Komandalar arasında yarış şəhər 3 nömrəli məktəb-liseyin idman bazasında davam edib.
18 komanda arasında gedən gərgin yarışların nəticəsi olaraq Diyallı tam orta məktəbinin “Şahin”ləri birinci yeri tutublar. Bununla da qalib komanda zona yarışına vəsiqə qazanıb.
İkinci yeri şəhər 3 nömrəli məktəb-liseyin,üçüncü yeri isə şəhər 7 nömrəli tam orta məktəbinin komandaları qazanıblar. Qaliblərə rayon Gənclər və İdman İdarəsinin diplom və hədiyyələri verilib.
Elvin Əliyev

Şərh əlavə et:

Şərh eəlavə et

------------ -----------
Free counters!