• Ana səhifə |
Subscribe by RSS or RUS
» » "Matuto" musiqi qrupu İsmayıllıda

"Matuto" musiqi qrupu İsmayıllıda

Yazar Ismayilli
//
04 oktyabr 2016
//
//
Oxunub 174
//
24 sentyabr 2016-cı il tarixdə Gənclər Mərkəzində “Matuto” musiqi qrupunun konserti olub. Bu konsert Amerika Birləşmiş Ştatlarının Azərbaycandakı səfirliyinin “Amerika Musiqisinin Elçiləri” proqramı çərçivəsində təşkil edilib.
Tədbirdə rayon ictimaiyyəti iştirak edib.
"Matuto" musiqi qrupu İsmayıllıda
ABŞ-ın Azərbaycandakı səfirliyinin ictimai diplomatiya üzrə müşaviri Emi Piterson çıxış edərək bildirib ki, musiqi qrupu növbəti iki həftə ərzində Azərbaycanda altı konsert proqramı ilə çıxış edəcək və əsas məqsəd ABŞ ilə Azərbaycan arasında mədəniyyətlərarası anlaşmanın güclənməsinə töhfə verməkdir.
Məlumat üçün qeyd edək ki, “Matuto” qrupunun musiqisi bütövlükdə rəqs üzərində qurulmuşdur. Braziliya foxo rəqs elementləri və Amerikaya məxsus bluegrass musiqi janrından mükəmməl şəkildə yaratdıqları ritm hər bir tamaşaçını dərhal rəqs etməyə sövq edir. İstifadə etdikləri musiqi alətləri bir-biri ilə vəhdət təşkil edərək, irəli-geri yırğalanır, sanki gərginlik ətrafında fırlanır: Braziliya musiqi köklərinin latın sinkopasiyası ilə Amerikanın cənub folklor ənənələri arasında harmoniyadır.
Qrupun daha sonra Mingəçevir və Gəncəyə səfəri planlaşdırılıb. Səfər zamanı ictimai konsertlər veriləcək, yerli musiqiçilər üçün ustad dərsləri keçiriləcəkdir.
Sonda ABŞ-səfirinin rəsmisi yaradılan bütün şəraitə görə rayon rəhbərliyinə təşəkkürünü bildirib.
Samir Zülfiyev

Şərh əlavə et:

Şərh eəlavə et

------------ -----------
Free counters!